Dear DJ Inday Misyel,
Ang akong problema bahin kini sa personalidad sa akong BF. Kini man gud siya, maayo og pamilya, pero dili kaayo mag-atiman sa iyang kaugalingon. Rasta kaayo. Kana ba nga ang ilang buhok lukuton, unya taas. Nag-work man gud ko sa banko unya kun iya ko hapiton mangatawa ang akong mga ka-workmates. Dili ‘sab ko ganahan kay hugawan ko. Naa pa, kun mag-sex mi’ng duha samokan kaayo ko sa iyang bungot kay dili ko kaagwanta sa kagilok. Sigehan nako og estorya nga iya na kini tangtangon ug mag-formal, pero gahi kaayo og ulo, magtuman sa iyang gusto. - Charm
Dear Charm,
Dili ka makapausab sa iyang pagkasiya. Kita nga mga tawo walay igo’ng gahum nga makapausab sa tawo gawas kun makabaton na kini og pagpili ug disisyon nga padulngan sa kinabuhi. Bahin sa inyo’ng pagparayganay, sultii siya nga dili palabian kay allergy ka sa bungot. Charm dawata usa ang imong BF sa iyang pagkasiya, then encourage him nga bisan man nga mao na ang iyang personality angay nga mas palambuon pa niya ang pagbuhat og maayo sa ubang mga tawo. Lugwayi ang pailob kay basin may panahon ra nga kini siya mausab sa iyang outside look kun makabaton na siya’g trabaho nga gikinahanglan na sa iyang profession. - DJ IndayMisyel 09995894692