Dear Tita Salie,
Have a wonderful day and I hope you are always happy. By the way, just call me Ms. Belle, 15 years of age ug nagtungha pa ako sa high school.
Ang akong problema mahitungod kini sa akong mama, papa ug igsuon nga lalaki. Duha ra mi kabuok nga managsuon ug ako ang manghud. Wala lang gyud ko kasabot sa pamaagi sa among balay. Kay kining akong mama ug papa kanunay lang masuko nako. Halos tanan nakong lihok ilang ikasuko.
Kini sang akong magulang nga lalaki kun sugoon na gani siya sa akong papa iya dayong ipasa nako ang trabaho nga halos tanang trabaho sa balay ako na ang nilihok. Mas pinangga nila ang akong magulang ug mura’g wala sila’y panahon nako nga unta mas bright man unta ko, Tita Salie.
Gusto na unta ko nga molayas sa among balay. Unsa may akong buhaton? Palihog pasabta ko. Tita Salie
* * *
Good day,
My dear, Miss Belle,
Familiar gyud kaayo nako ang imong tampo karon. Ug nasayod ko nga common gyud kaayo ang maong isyu.
Ang maong isyu wala gyud nagpasabot nga dili ka pinangga sa imong mga ginikanan o kaha dunay pinalabi sila. Kay ang mga ginikanan pantaypantay gyud ang ilang pagtan-aw ug pagtratar sa ilang mga anak. Tungod kay dili normal sa mga ginikanan nga lisud-lisuron ang ilang ubang anak samtang pinangga ang uban.
Ug mao lang gyud kini ang naandan nga buhaton o mahitabo sa mga panimalay. Bisan asa ka mosulod nga panimalay dinhi sa atong dapit mao gyud kini ang kasagaran nimong maobserbahan. Mura kini og kultura sa mga Pilipino busa ang maong buhat wala magpasabot nga gidaugdaog ang manghud ug pinangga ang magulang. Dili usab buot ipasabot nga tungod kay mas bright ka dapat mas pinangga ka. -- Tita Salie