Bana nga hingulata

Dia ko karon nagpuyo sa balay sa akong mama ug papa kay ang akong bana kusog kaayo managmal nako ug sa akong anak. Gamay lang nga sayop, mangulata dayon. Kapila na ko nagpa-blotter pero wala g’yud gihapon mausab mao nga nilayas na lang mi.

Nagka-trauma ang akong anak. Gusto kuno siya maghikog! Luoy tawon kaayo. Wa mohatag namo og sustento ang iyang amahan. Gusto ko mokiha niya Jacky pero wa ko’y kuwarta. Unsa man ang akong buhaton? - RM, taga Hipodromo

* * *

Dear RM,

Husto ang imong gibuhat. Kun manakit na gani, kinahanglan na g’yud mopalayo. Safety first. Seryoso ang trauma nga na-experience sa imong anak. Give him all the love and care you can possibly give.  Ipakita niya nga safe siya sa imong poder, nga wa na siya’y angay kahadlokan. Pangayo og tabang sa information desk sa public hospitals. I-refer ka nila og asa makapakonsulta nga libre. Ug kabahin sa abogado, sa  Public Attorney’s Office ka makapangayo og tabang. Para sa dugang nga impormasyon, go to: http://www.pao.gov.ph/. Ayaw na’g balik ngadto niya.

Ug gisigihan na mo og kulata, buhaton ra gihapon ni niya’g usab. I’m sure nga kapila na siya nisaad nga di na mousab wala niya tumana. Focus on healing the emotional wounds, both yours and of your child’s. – DJ Jacky G

 Kun gusto ka’ng ma-feature sa DDJJG, i-like akong FB fanpage ug i-private message imong problema sa:  www.facebook.com/djjackyg  and follow me on IG:  www.instagram.com/djjackyg  Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!