Nianang pagkabuntag maoy akong namat-an ang sagunson nga pagtingog sa message alert tone sa akong cellphone. Si Edward ang nag-text. Gipahibalo ko niya nga nakasakay na siya’g bus paingon sa Tagbilaran. Pagkagabii, dugay kong natulog. Nabati ko ang kusog nga hagok nilang Tatay Metodio ug Nanay Ludy didto sa pikas kuwarto apan ako nagpabiling nagmata sulod sa akong kuwarto. Gipalong ko na ang suga sulod sa akong kuwarto ug mihigda kay hapit na ang ala una sa sayong kaadlawon. Ug nakatulog ko. Unya nagdamgo ko nga nakigtagay ko uban ni Edward sa lawasnong kalipay.
Miabot na ang laing school year. Nakahukom kong mopadayon pag-eskuwela apan mo-shift na ko sa laing course. Nursing na ang akong kuhaon. Nagpa-enroll dayon ko. Mibalik ko’g abang sa kanhi kong boarding house. Nalipay si Edward pagkasayod nga mo-eskuwla ko’g balik. Makahigayon na sab kuno kami kanunay.
Sa pagbalik nako’g eskuwela, daw kinamayan ang akong mga adlaw. Buhong ko kanunay sa lawasnong kalipay. Sa unang adlaw pa gani sa pagbukas sa klase, miadto na si Edward sa akong boarding house. Sulod sa akong room gisaw-an namo pagtagay ang matam-is nga dugos sa lawasnong paglambigitay. -- Sumpayan pa