Gula 47
Wala ko makatutol sa gibuhat ni Edward kay mikuyanap man dayon ang kalalim sa tibuok kong kalawasan tungod sa paghalok ug pagpanghinol niya sa sensitibong mga parte sa akong lawas. Gipaundayonan ko na lang siya.
“Adto ta’s imong kuwarto,” matud ni Edward.
“Sige,” matud ko. “Pero sirad-an una nako ang front door.”
Human nako kasirad-i ang pultahan sa balay, nagdungan mi si Edward pagsulod sa akong kuwarto. Igo lang nakong natak-opan ang pultahan, gikaligoan na ko niya’g halok. Unya gihinay ko niya’g pahigda sa kama.
Dihang naghigda na ko sa kama, iyang gipanangtang ang tanang salimbong sa akong lawas. Gisunod niya’g hubo ang iyang mga sapot. Nagbutokbutok ang akong dughan sa kahinam dihang mipuwesto na si Edward.
Gihagkan ko niya sa ngabil ug sa liog.
Nagtambayayong kami pagkatkat sa kinapungkayan sa ikapitong langit. Nakab-ot gyud namo ang katagbawan sa himayang lawasnon.
“Pauli na,” giingnan ko si Edward. “Tingalig maabtan ka nila ni Tatay ug Nanay.”
“Unya na ko mopauli,” ni Edward pa. “Mosawsaw pa ko’g kausa. Unya iya kong gigakos ug gihagkan ang akong ngabil.
Gisubli namo ni Edward ang pagtagay sa matam-is nga dugos sa lawasnong kalipay. - Sumpayan pa