Gula 44
Gidid-an ko na si Edward sa pagsulod sa akong kuwarto panahon sa kagabhion kay tingalig masakpan mi sa akong mga ginikanan sa kadugayan. Malintian gyud ming duha.
Sagad adto mi mag-abot sa Baybayon Beach Resort matag-Sabado. Didto tagbawon namo ang among kaugalingon pagtagay sa matam-is nga dugos sa himaya.
Gipasabot ko si Edward nga dili maayong magpadala kami kanunay sa kainit sa among mga pagbati aron dili kami madisgrasya. Kinahanglang kontrolahon namo ang among kaugalingon aron dili maanod sa bul-og sa kahinam.
“Unsa ba gyud ang gusto mong mahitabo? Gipangutana ko ni Edward kay ingon sa dili pa tin-aw alang kaniya ang akong gisulti.
“Magkita na lang ta’g panagsa,” giingnan ko siya. “Dili maayong magpatuyang ta sa atong gibati. Tingali’g mataymingan ug momabdos gyud ko sa kadugayan.”
“Dili kana mahimo, Jezebel. Mingawon ko nimo. Gusto man gani ko nga anaa ka kanunay sa akong kiliran unya karon, gusto ka na hinuon nga panagsa na lang ta magkita.”
“Kanunay man bitaw tang magkita sa eskuylahan. Ang panagkita lang sa usa ka pribadong lugar maoy atong likayan. Nasayod ka na kun unsay mahitabo tali kanato kun magkabagat kita sa usa ka pribadong dapit.” – Sumpayan pa