Gula 18
Gusto kong masayod kon may problema ba si Edward kay masulob-on man kaayo ang iyang nawong nga misulod sa classroom kaganina. Sulod sa canteen sa school, mipahimutang mi ni Edward paglingkod atubangan sa lamesa nga nahimutang sa suok nga bahin.
“May problema ba?”Gipangutana ko dayon si Edward.
Pero wala siya motubag. Misamot hinuon pagmug-ot ang iyang panagway.
“Ngano bang mora ka man og wala sa mood?” Laing pangutana ang akong gipasupot.
“Kay ngano? Unsa man diay ang imong nakita?”
“Kamo ni Jerome. Nakita ko kamo nga nagkuyog paingon dinhi sa eskuwelahan.”
Natugkad ko na kon unsay nahitabo sa akong boyfriend. Nagselos diay siya kay nakit-an niya nga nagkuyog mi si Jerome kaganinang buntag.
“Para nakita mo lang kaming nagkuyog,” ubay sa pahiyom ang akong pagsulti,” mag-iningon ka na niana. C’mon, maylab.”
“Kinsa man ang dili magselos?” niya pa, “nga nasayod man ka nga kaniadto pang nakagusto nimo si Jerome? Dili lang siya makaporma kay naa man ko nga kuyog kanunay nimo. Nasayod kong naibog kaayo na siya nimo uy.”
Nahikatawa ko sa gisulti ni Edward. Pero gibadlong ko ni Edward. -- Sumpayan pa