Tuslob-buwa

Nahibulong si Rosa ning gabhiona nga hilabihan mang nakapangablit si Pael kaniya sa ilang panagdulog sulod sa lawak sa ilang balay sa Barangay Busay.

“Puyo gani diha, El, uy! Sige man kag panguhit nako...!”

“Shhh! Pasagdi lang gud ko, Ros! Kundisyon kaayo ko ron...!”

“Ese! Kahambog baya ning tawhana! Unsa  bay nakaon nimo nga nagmilagro man nga kundisyon ka, El? Nga hagbay pang panahon nga lungay na kaayo nang imoha, mora’g liog sa manok nga gidunlok...!”

“Nakakaon ko’g tuslob-buwa, Ros...!”

“Tuslob-buwa? unsa man nang potahea, El...?”

“Utok, tinai ug atay sa baboy nga gilutong gipabuwa sa kaha uban sa mga lamas niini ug paresan og mga puso. Lami kaayong ituslo-tuslo. Gidala ko’s kauban kong senior citizens ganiha nga dunay kan-anan sa tuslob-buwa dinhi sa siyudad! Pangkundisyon man diay...!”

“Mao ba, El? Uy, tinuod bitaw, da! Nagpulso sa kainit ang imoha nga akong gihinol...!”

“Mao lagi! Busa paundayoni ko nga mag-esmiringhoy ta karon, Ros!”

“Basta baya, ha, El! Basi’g palumaluma lang nang imoha...!”

“Maghubo na ta, Ros! Bahala na’g sapnot na kaayo nang imoha...!”

Napugos sa pagpaundayon si Rosa sa kagustohan ni Pael nga mora’g teksas kumbat nga kasyapulon.

“Hmmm! Maayo pud unta kun mokaon ka’g tuslob-buwa, Ros! Aron parehas tang duha nga kundisyon ug dili mora’g bunot sa lubi kasapnot ang imoha!”

“Kay kundisyon man kaha ka, El, ug nakakaon sa tuslob-buwa, hala, maniho diha! Tan-awon ta’g di ba hunahuna na lang nimo ang gadako!”

“Basin mahigalam ka na, Ros...!”

Paglabay sa pipila ka gutlo, dugay nga milurang ang hangos ug agumod sa duha ka senior citizen nga nagtimotimo og romansa sa sulod sa ilang lawak.

“Tan-awa, di ba nakaahat gyud ko’g iskor, Ros...!”

“He-he-he! Bitaw da! Bisan hapit na ta mag-70 anyos, nakadaginot gyud! Magdungan ta ugma, ha, El...!”

“Magdungan og unsa, Ros...?”

“Dungan tag kaon og tuslob-buwa...!”

Hupong sa katagbaw nga nagdungan og agik-agik pagkatawa ang duha ka senior citizen niadtong gabhiona. (Kataposan)