Focus sa kaayohan

Dearest DJ Inday Misyel,

I am 15-year old and 3rd year high school. Naproblema ko sa ako’ng pagtuon kay dili g’yud nako masabtan ang gipangtudlo sa akong mga maestra. Usahay, tawgon na lang ko og bugo sa akong igsuon kay dili g’yud kuno ko makahibalo. Naglibog man gud ni’ng akong huna-huna kay magsige man og away ang ako’ng mama ug papa. Unya, ako ‘sab na-feel nga nag-inusara ra ko kay kulang sila og pagtagad nako. Unsaon man nako nga ma-bright ko? Dili g’yud ko maka-concentrate. - Alice

Dear Alice,

Wala’y tawo nga bogo kun gamiton lang g’yud ang atong utok kay kita tanan adunay nagkadaiyang mga talento aron kita mo-excel. Yes, dili maka-concentrate tungod kay na-focus man ang imong mind ngadto sa problema sulod sa imong pamilya. Mas dako nga atensyon ang imong gihatag ngadto sa problema, ug No. 1 destruction kana sa imong pagtuon, labi na sa mind set nimo. Pray and ask Jesus Christ to solve the problem of your family. Nga unta tabangan ka niya nga dili maapektohan sa problema sa pamilya. Then focus sa kaayohan, sa pagtuon ug sa pagpaningkamot nga ikaw molampos sa imong goal sa kinabuhi. Then, stand firm and act like a child of God nga kaayohan ang naa sa imong hunahuna ug buhat. Then kun ikaw nanginahanglan sa usa ka pagtagad sa ginikanan, ayaw kalimot sa Dios kay siya ang nag-inusara nga mogiya kanimo ngadto sa maayong dalan. - DJ Inday Misyel