Gibuwagan sa uyab

Dear DJ Jacky G,

Bag-o ra ko gibuwagan sa akong uyab. Ug sama sa kasagaran, naglisod ko og move-on.  Ganahan pud ko nga magpaniwang kay sukad pagkabata, tambok na g’yud ko.  Feeling nako Jacky, it’s time for a cool change! Dugay ra ni namo’ng debate sa barkada..unsa ba g’yuy mas lisod? Ang pag move-on o ang pagpaniwang? -- Miss Lahug

Dear Miss Lahug,

Congratulations girl!  Kay ang imong suwat ang kina-unahan nga ma-feature sa DDJJG!  Duha ka problema, puro lisod sulbaron!  Unahon nato ang emotional problem, ang pag move-on.  Usa sa labing common nga problema sa gugma pero usa ‘sab sa labing lisod tambalan. Unsa ang pinaka-epektibong tambal? Time: Tinuod g’yud na nga “time heals all wounds.”  Hatagi’g igo nga panahon, ang sakit, hinay-hinay’ng mawala.   Space: Kinahanglan ‘sab ka nga mo-distansya niya.  Matud pa, “out of sight, out of mind.”  Undangi na nang sige’g stalk sa iyang FB!  Palayo niya! Human sa pagpaka-senti, pagpaka-busy! Focus sa school or sa work.  Uban sa suporta sa kapamilya ug mga suod nga higala, makalimtan ra nimo siya.  And don’t be afraid to fall in love again.  Matud pa sa kanta, “...we’re not broken just bent & we can learn to love again.”

Ugma, atong tuki-on kung unsaon pagpaniwang ug tubagon ang imong kinalisuran nga pangutana: “Unsa’y mas lisod?  Ang pag move-on o ang pagpaniwang?”

Kun gusto ka nga ma-feature diri sa DDJJG, i-like ang akong fb fanpage ug i-private message imong problema sa:  www.facebook.com/djjackygFollow me!  www.instagram.com/djjackyg  Mapaminawan ‘sab ko ninyo sa radyo matag 9-11am, Mon-Fri sa MOR 97.1 Lupig Sila! For Life!