Gula 214
“Mapatay mo man ako,†ni Rey sa tumang kamaisogon, “apan may lain pang sama kanako nga mogukod sa mga daotan nga sama kanimo.â€
Mikatawa na usab si Col. Villadar. Ug sa dihang milurang na ang iyang kahimuot, kalit lang usab miligdong ang nawong niini.
“Dili na nato tas-on ang atong panagsulti, Corpuz,†nagkanayon si Col. Villadar. “Ipangumosta na lang ko ni Satanas.â€
Ug gikablit ni Col. Villadar ang gigunitan niyang pistola. Apan wala kini mobuto. Giusban pa gayod pagkablit. Apan wala gihapon kini mobuto. Gikablit pa gayod kini sa koronel. Gikablit ug gikablit. Apan igo lang mipiti ang armas.
Si Rey dihadiha nga nakasabot nga nahutdan sa mga bala ang armas sa koronel. Kalit niyang gidasmagan ang koronel. Nabuhian sa koronel si sister Veronica sa dihang gilayog kini ni Rey. Nagkaligiray ang duha.
Gigamhan sa tumang kapungot, gisumbag ni Rey ang koronel sa lainlaing bahin sa lawas niini. Apan lig-on usab ang koronel. Ingon sa wala lamang batia’g kasakit sa makusog nga kinumo ni Rey nga midapat sa lawas niini.
Mibalos si Col. Villadar pagsumbag ug ang iyang mga kinumo midapat sa lawas ni Rey. Nakatay-og kini sa lawas sa lalaki. Mibati og kasakit si Rey nga naigo sa kinumo sa koronel. -- Sumpayan pa