“Dili na kinahanglang masayod ka pa kun kinsa ako,†matud sa tawo nga nanawag ni Rey. “Buot ko lang nga masayran mo, SPO3 Rey Corpuz nga ania sa among mga kamot si sister Veronica.†Dihadiha nakasabot si Rey. Ang iyang gikasulti usa sa mga tawo nga mikidnap kang sister Veronica.
“Mga salbahis kamo!†Nagpaminti sa kalagot si Rey. Nabatyagan niya nga ingon sa misaka ang tanan niyang dugo sa iyang tangkugo. “Nganong inyo kining gibuhat kang sister Veronica?â€
Mibahakhak ang gikasulti ni Rey. “Simple lang, SPO3 Corpuz,†nagkanayon ang kidnaper. “Gusto namo nga mahulog ka sa among mga kamot. Naseguro namo nga ang madre usa ka mapuslanong materyal aron ikaw mahiduol kanamo. Gusto namo nga matapos na ang imong pagpanghilabot sa among kalihokan.â€
Karon inanay nga nakasabot si Rey. Ang maong mga kidnaper mao ang mga tawo nga nasilag kaniya gumikan sa hugtanon niyang paggukod sa mga malapason sa balaud. Nagtuo siya nga ang nagdagit kang sister Veronica kauban niadtong mga tulisan nga ilang gipangpatay atol sa nahitabong bank robbery dili pa lang dugay. Kauban usab ang maong mga tawo niadtong mga tulisan nga nanghasi sa dakbayan nagtukod og usa ka dakong pundok ug may mibarog niini nga pangulo. Kun kinsa kini wala’y ideya si Rey.
“Mga animal kamo!†Mikagot ang mga ngipon ni Rey. “Kun ako lang ang inyong tuyo, nganong inyo pa man nga giangin ang madre?†-- Sumpayan pa