“Inayanaya lang ang imong kaugalingon, Sir,†ni Corporal Benturada nga mialam-alam ni Rey. “Ingon gayod niana ang kinabuhi, may kasakit ug kalipay.â€
“Dili ako makadawat niining hitaboa, Benturada,†ni Rey pa.
“Mahikalimtan mo ra siya sa kapulihay, Sir.â€
Apan wala na hatagi’g pagtagad ni Rey ang mga pulong nga giluwatan sa korporal. Maoy migahom kaniya ang tumang kasubo ug kasakit.
Nianang pagkasunod adlaw, may banko nga gitulis. Ang banko nga gialagaran ni Blessilda, anak dalaga ni Capt. Sancho Benale maoy giatake sa mga tulisan. Pagkadawat sa kapitan sa alarma, dihadiha iyang gimandoan ang unit ni SPO3 Rey Corpuz sa pagresponde. Gitugon sa kapitan si Rey nga kinahanglang ilang paninguhaon nga wala’y mga kawani sa maong banko ug mga kliyente nga maangin.
Milihok gilayon sila si Rey. Napulo’g lima sila ka polis nga nagsakay sa upat ka sakyanan. Sangkap sila sa tag-as nga mga armas. Hapit sila magkadungan paghunong tungod sa banko nga gitulis.
Pagkamatikod sa duha ka tulisan nga nagbantay sa pultahan sa banko nga may mga tinugyanan sa balaud nga nangabot, dihadiha mipabuto sila sa ilang mga armas. Usa sa mga polis ang naigo gilayon apan kini tapsing lang. -- Sumpayan pa