Misulod si Mayet sa usa ka refreshment parlor sa downtown area aron magpabugnaw. Gusto siya nga mokaon og halo-halo aron matambalan ang kainit nga iyang gibati. Hitsuraan nga pagkababaye si Mayet apan ang nakaapan lang kay usa siya ka tomboy.
Giteksan ni Mayet ang amiga niya nga si Rose, usa gihapon ka tomboy, aron adto sila magkita sa mao nga refreshment parlor. Pagtangka ni Mayet sa pultahan, mao g’yud dayon ang nabantang sa iyang panan-aw ang usa ka maanyag nga babaye.
Mi-order si Mayet og usa ka baso nga halo-halo ug nagpasumangil nga nangita siya og kalingkoran.
Gilantaw niya ang maanyag nga babaye nga didto naglingkod sa suok nga bahin sa refreshment parlor samtang nag-ukay-ukay sa iyang order nga halo-halo. Sa tupad nga lamesa milingkod si Mayet kay may misantop sa iyang huna-huna nga iyang himoon.
Nakabantay si Mayet nga nagpasiklap kaniya ang maanyag nga babaye. Buwagawon og gamay ang buhok, ugdo kaayo og dughan, bawog ang pilok ug nindot kaayo modala og mik-ap—sa laktod makabibihag ang pamorma.
Gitawgan ni Mayet ang barkada niya nga si Rose ug gikusog niya pagtuyo ang iyang tingog. “Ari ko maghuwat nimo sa refreshment parlor nga ato’ng suki,†ni Mayet pa.
Pagbutang ni Mayet sa iyang selpon. “Grabe kainit sa gawas no?†padungog-dungog niya ngadto sa maanyag nga naglingkod sa lamesa tupad sa gilingkoran ni Rose. “Mao g’yud,†tubag sa maanyag dungan sa pagpahiyom.
Gikawhat si Mayet ang tuo niya nga kamot aron sa pakiglamano sa maanyag, dungan sa pagpaila niya sa iyang ngalan. Nagpahiyom ang maanyag nga midawat sa kamot ni Mayet.
Nagpaila ang maanyag. Siya kuno si Lovena. “Nice to meet you Lovena. Gwapa kaayo ka no?†matud ni Mayet nga klaro kaayo’ng nakagusto kang Lovena. Nagpahiyom si Lovena nga nagsud-ong kang Mayet.
Taud-taud, miabot ang higala ni Mayet nga si Rose. “Uy, ngano gud tawon nga nagkuyog man mo’ng duha?†matud ni Rose nga nagngisi. Wala magtuo si Mayet nga kaila diay sila si Lovena ug Rose. “Hala uy, kaila diay mo ani ni Lovena? Basin og naunhan na ko nimo ha?†giingnan ni Mayet si Rose. Nakapahiyom si Rose nga mitutok ni Mayet. “Hala ka uy, babaye nga tinuod ang ato’ng gipangita uy, girlboy na si Lovena,†matud ni Rose.
Diha pa makabantay si Mayet nga bakla diay si Lovena nga iya unta nga naibgan. (Sumpayan)