Mag-ihap mi’g uno, dos, tres Juman. Busa ampo na lang! Kay kung di, amo kang rakrakan!†matud sa usa ka polis nga gamit ang trumpa. Nagpasalipod sa patrol car, uban sa iyang kaubanan nga nanaghupot na’g armalite nga gipunting sa hide out nga payag ni Juman.
Anhi ni Juman panagoi ang iyang mga natulis gikan sa mga bangko nga magsolo ra. Nasuyaan tingali siya sa iyang mga kaatbang nga tulisan mao siya hitultolan dinhi sa kapolisan. Maoy iyang hunahuna.
Miapil sab og singgit ang iyang asawa nga si nang Utana ug iyang duha ka anak nga si Marga ug Rina nga wa gyud masayud sa iyang gibuhat. Bantug rang sige na sila magsud-a’g sinugbang pabo ug pagi. Lahi kaysa sa una nga pabuwad-buwad ug pagi-namos-ginamos lang ilang sud-an. Mikalit sa pagka rugs to riches ning pipila ka mga buwan nga nanglabay.
Gumikan niini mapasalamaton kaayo iyang asawa ug mga anak sa Ginoo. Magsige na’g ampo. Kay iyang giingnang naka-amo siya’g milyonaryo. Gihimo siya’g bodyguard. Apan di siya moapil og ampo bisa’g unsao’g pugos sa iyang asawa kay wa kuno siya’y hilig sa pag-ampo sukad pa sa iyang pagkabata. Wala gyud siya’y nahibaw-an bahin sa pag-ampo bisa’g panguros na lang hangtud siya midako.
“Uno!†Giiphan na si Juman sa mga polis. “Oh, no!†tuaw ni Juman.
“Dos!†padayon sa polis. “Por dos!†bawos ni Juman.
“Tres!†matud sa polis. “Martires!†bugalbugal ni Juman.
Rakrakan na ta sa mga polis ang payag ni Juman apan mingaab ang asawa “Ayaw sa!†ug mipuli kini’g tabi sa trumpa nga paampoon na iyang bana. Gibawi sa polis ang trumpa “Sige na Juwan “aw†Juman diay. Ampo na,†sa polis. “Di lagi ko moampo!†ni Juman ug girakrakan ang mga polis sa iyang armalite. Mibawos ang mga polis. Ug misayaw-sayaw si Juman nga naigo sa bala sa machine gun. “Nganong wa man ka moampo Juman?†bakho sa asawa. “Kabawo bitaw kang di ko kabawo moampo, erehes kong dako!†matud ni Juman nga nag-utnga-utnga. (Katapusan)