Tilaw-tilaw lang

Gula 7

Wala na modayon pag-adto sa Aloguinsan sila si Brady ug Nancy. Nagkasabot sila nga mangaligo na lang sa dagat sa Pinamungajan. Nangita si Brady og beach resort nga dili kaayo daghan ang mga nangaligo.

Tuod, nanulod sila sa Yellow Coral Beach Resort. Minus ang nangaligo sa mao nga resort. Mikuha si Brady og nindot nga cottage. “Wala man diay ko’y sinena nga dala uy,” giingnan ni Nancy si Brady dihang mosulod na unta sila sa cottage.

“Duna ko’y extra nga T-shirt nga tua sa baggage compartment sa awto, kadto maoy bas-a, sigi ako usa nga kuhaon sa awto,” matud ni Brady. Pagbalik ni Brady mideritso siya pagsulod sa cottage. Nasugat sa panan-aw ni Brady ang matintalon kaayo nga pamorma ni Nancy. Nanginit ang kalawasan ni Brady nga naghinam-hinam sa sangpotan niini’ng ilang panag-uban ni Nancy dinhi sa mingaw nga resort.

“Pag-ilis na Nanz,” matud ni Brady dungan sa pagtunol ngadto sa dalagita sa T-shirt nga gisulod pa sa selopin. Mogawas na unta si Brady sa cottage kay basin og mauwaw si Nancy nga anaa siya magtan-aw samtang mag-ilis.

“Dungan na lang ta’g gawas Brad. Kadali ra ko mag-ilis,” matud ni Nancy nga mitalikod ug mihukas dayon sa iyang T-shirt. Walay pupamilok si Brady nga nagtan-aw sa lawas sa dalagita samtang nagtalikod nga walay sapot.

“Wow, mabuang ko magtan-aw sa imong lawas Nanz,” matud ni Brady nga mora’g nakabatyag nga mipaspas ang iyang gininhawa. Anam-anam nga mibangon ang natulog pa unta nga si Junior.

“Tsikboy ka man diay kaayo Brad uy,” matud ni Nancy. Nangaligo sila sa bugnaw kaayo nga dagat. “Maayo g’yud dinhi kay wala kaayo’y nangaligo, dili kita matugaw. Mamalit lang ta og pagkaon diha sa canteen sa resort,” matud ni Brady.

Human sa mga usa ka oras nga paghumol sa dagat, mikawas sila ug namalik sa cottage. Daw gitugnaw si Nancy tungod sa basa nga T-shirt. Gikupo niya ang tualya nga inandam na sa taga resort.

Halos dili na g’yud mapugngan ni Brady ang iyang gibati samtang nagtutok sa puti kaayo’ng paa ni Nancy nga daw apil sa gitugnaw. “Nanz, dia na ta sa cottage apan wala pa g’yud ko nimo sugta,” ni Brady pa. “Wala nay uso na uy,” sa dalagita pa. Wala na gayud mapugngi pa ni Brady ang kaugalingon. Gigakos niya si Nancy. “Sori kaayo Nanz, dili na nako kapugngan pa ang akong kaugalingon,” ni Brady.

Misamot ang gibati nga kahinam ni Brady kay gipasagdan ra siya ni Nancy nga mihawok ug miukob sa iyang mga ngabil. Gipahiluna ni Brady si Nancy sa higdaanan samtang kusog kaayo ang pagkuba sa dughan sa ulitawo. (Kataposan)