Gula 6
Ingon sa nakagusto ra usab si Nancy nga mata’g karon ug unya mopasiklap si Brady sa iyang paa. “Ngano’ng dali ra man kamo’ng mga laki maibog kun pakit-on mo’g paa sa mga babaye sir Brad?†pangutana ni Nancy.
Nakalitan si Brady sa wala niya damha nga pangutana ni Nancy kaniya. Nangalap usa ang iyang huna-huna og unsa’y maayo nga itubag sa dalagita apan nagpahiyom si Brady. Nakahuna-huna si Brady nga komedyahan niya si Nancy.
“Natural, motutok g’yud ang mga laki sa paa sa babaye kay duol na man kini sa labing pribado’ng parte sa iyang lawas,†matud ni Brady. Nakita ni Brady nga mipahiyom si Nancy nga nakadungog sa iyang tubag.
“Nakadungog man gud ko sa among silingan nga nagkomedyahay samtang nag-inom sila si Papa nga ngano man kuno nga maibog man kuno sa paa nga iwakli ra man kuno na,†matud ni Nancy nga daw inosente sa iyang tubag o kaha nangomedya.
Gikan sa pahiyom, mibahakhak na gayud pagkatawa si Brady. “Komedyante ka man ‘sab diay Nanz. Pareho niana’ng imong paa nga bigot kaayo, kinsa man kaha nga lalaki nga dili bation og kaibog?†ni Brady pa samtang gipahunong niya ang awto sa stop light atubangan sa City Hall sa Talisay.
Wala gayud makapugong si Brady. Gihikap niya ang paa ni Nancy. Abtik kaayo nga gihapyud-hapyod ni Brady ang hamis nga paa sa dalagita. Inay masuko si Nancy, igo lang kini nga mipahiyom apan gikuha niini ang kamot ni Brady gikan sa iyang paa.
Gipadagan ni Brady ang awto diha nga mi-green na ang signal sa traffic light. Daw nanginit ang kalawasan ni Brady nga nakahikap sa paa ni Nancy. Nakabatyag siya nga adunay bahin sa iyang lawas nga anam-anam nga milihok.
“Nakahinumdom ka ba nga nanguyab ko nimo Nanz?†giingnan ni Brady ang dalagita. “Kaayo, wala ko kalimot uy,†dali nga tubag sa nagpahiyom nga si Nancy. Nakabantay si Brady nga mora’g game ra kaayo si Nancy sa iyang pagpanguyab.
Nalingaw kaayo si Nancy samtang nagbiyahe sila subay sa Naga-Uling Road, paingon na sa Toledo. Misamot nga mora’g wala na mahimutang si Nancy pagkakita sa mga nindot kaayo nga beach resorts sa unahan na sa Toledo.
Paingon na sila sa lungsod sa Pinamungajan. “Kanindot sa dagat uy. Nindot ikaligo,†tuaw ni Nancy samtang nagsige og lantaw sa dagat daplin sa karsada. “Gusto ka ba maligo? Dili na lang ta moadto sa akong amigo, lingaw tuod ta kay nindot kaayo ang dagat,†matud ni Brady.
“Sige, sige, nindota sa dagat dinhi uy,†matud ni Nancy. (Sumpayan)