Bisan duol na ang kasal nila ni Roleto ug Maryjane nagpadayon kini sa iyang pagkasugarol. Gani ang iyang tinigom nakuhaan na kay mahiligon sa mga manok igtatari. Ug usa siya ka mag-uuma.
Pagkahapon niadto siya sa buwangan. Ug nakita niya ang mga manok nga bantogan. Unya nipusta sa inilog ug wala’y swerte kay napilde. Sa dihang nipauli na siya pwerte gyud niyang hinuktok tungod kay dako man ang iyang napusta. Sa dihang hapit na siya muabot sa ilaha may nasiplatan siya usa ka tigulang lalake nga taas og bungot nga nagdala’g manok talisayon.Unya nakighigala kaniya.
Sa nagkataas nga katuigan nahimong milyonaryo si Roleto ug nagkadayon gyud sila si Maryjane nga iyang hinigugma. Apan nalimot siya sa iyang kagahapon nausab ang batasan ni Roleto tungod kay nasilawan sa salapi.
Pagka alas 9:00 sa buntag niadto siya sa dakong kahoy nga sambag kilid sa ilang balay aron pagkuha sa mga bunga niini. Apan sa wala damha may dakong langgam nga periko nga kamao mosulti. Ug gisugo siya sa taas og bungot nga tigulang aron suwayan ang batasan kung wala ba mausab. Sa dihang nangayo na ang periko nga kamao mosulti nibahakhak siya og katawa, kay para kaniya wala’y bili ang mga pulong sa periko.
Pagka alas 12:00 sa udto may nabatyagan si Roleto nga nagkausab ang iyang pamanit hangtod nga nahimo siyang sanglahon. Ug nawala usab ang manok talisayon. Unya iyang gipatawag ang mga tambalan. Ug wala gyud kini makaayo hangtod nga nagkaanam og kahurot ang iyang bahandi kay wala’y kaayohan ang iyang sakit. Nakasabot si Roleto nga ang periko sinugo sa tigulang.
Nianang pagka alas 5:00 sa hapon may nanuktok sa pultahan. Apan sa pag-abli niya sa pultahan nahaigking si Roleto kay ang taas og bungot nga tigulang nagdala naman sa manok talisayon.
“Roleto, wala ka mulampos sa akong pagsulay!†sa bungoton nga tigulang.
“Pasayloa ko!†ni Roleto nga nagbasol.
“Maayong masayod ka ... sa didto sa among kalibutan, ako ang sugarol!†(Kataposan)