Bibliya sa mga huwes ug abogado

Bilib gyud ko nimo kompanyero. Hapit kada adlaw man ta magkita sa RTC Library. Kugihan gyud kaayo ka” mapahiyumong pulong ni Atty. Ben Iyobak ngadto ni Atty. Bert Layolay, paglingkod sa naulahi sa bakanteng lingkuranan sulod sa library, atbang sa nauna.

“Mas kugihan ka pa nako. Kay sa panahon nga wa ko nianhi diri, ikaw nia tingale” ni Bert. “Pareha ra ta ka kugihan. Kay maihap rang mga adlaw nga pag-ari nako, wa ka. Unsa may imong gi-research ron?’ ni Ben. “Constitution” ni Bert. “Siyaro! Magtoon pa ka’s Constitution? Magamit ba gud na sa panglaban?” ni Ben. “Mao hinoon nay Fundamental Law. Amahan sa tanang balaod. Ug nagsitar sa panabang sa Diyos” ni Bert. “Unya nganong nag-research man ka ana?” ni Ben.

 â€œDaghan nang huwes nga nalimut sa ilang katungdanan isip public servant. Akong pahinumduman nga ang mga huwes empleyado gihapon sa gobyerno. Unya ang atong gobyerno is a government of the people, by the people and for the people. Dapat ang Constitution maoy Bibliya sa mga abogado ug huwes” ni Bert. “Pasabta kono ko, bay?” ni Ben.

Gipakli ni Bert ang Constitution sa panid sa Preamble, ug gipabasa ang higala. “We, the sovereign Filipino people, imploring the aid of the Almighty God, in order to build a just and humane society and establish a government that shall embody our ideals and aspirations, promote the common good, conserve and develope our patrimony, and secure to ourselves and our posterity the blessings of independence and democracy under the rule of law and regime of truth, justice, freedom, love, equality and peace, do ordain and promulgate this constitution”.

Daghan nang mga huwes ron nga wa nay basabasa og balaod. Kay ang ilang pulong mao nay balaod. Gusto nakong ipasabot nila nga bisag huwes sila, they are not above the law. We are in a democracy under the rule of law. Busa ang huwes igo lang mopatuman sa balaod.

Dili motuis sa balaod o maghimo’g laing balaod” ni Bert. “Dili na ko ana, bay. Kuyawan ko makigbangga og huwes” ni Ben. “Moabot ra gihapon ang higayon nga makigbangga ka’g huwes. Kay sige ka mang panglaban” ni Bert.

“Akong mga kaso, kadaghanan way kontra” ni Ben, niduko og basa sa libro nga SCRA aron pagputol sa ilang kolokabildo. Aron makasugod si Bert og basa sa iyang gi-research. (Kataposan)