Dili magkasinabot

Dear Tita Salie,

Have a  nice day. Just call me Glenel, 21 years of age and I am a single mom.

My problem is about sa amahan sa akong anak nga si Ronron, 25 years of age.

Wala mi magtipon ni Ronron, Tita Salie, tungod kay di man kami magkasinabot. Anaa siya magpuyo tipon sa iyang mga ginikanan samtang ako usab ania mitipon sa akong mga ginikanan.

Maglagot man gud ko niining tawhana tungod kay panagsa ra siya mohatag og gatas alang sa among anak. Dili pod siya mohatag og kuwarta.

Dihay kausa nga ako siyang gitawgan kay wala nay gatas ang among anak miingon siya nga ok mohatag siya. Apan pagkataud-taod miingon nga dili na siya makahatag kay napilde sa sugal. Pirte gyod nakong hilaka, Tita Salie.

Unsa may akong buhaton aron mapugos gyod siya pagsuporta sa among anak? Palihog pasabta ko. Thank you very much and more power.

* * *

My dearest Glenel,

Tinuod nga dili gyod lalim kun makig- deal o makigsabot ta og tawo nga iresponsable ug wala’y klaro. Kanunay gyud ta nga makabsan og pasensiya ug ma-highblood ta niining mga tawhana.

Mas maayo pa seguro kun duna moy kasabotan, mas maayo kun duna siya’y papel nga permahan aron dili gyud siya makabalibad inig-abot sa adlaw nga iya na nga tinghatag. Mas maayo gyud nga duna oy penirmahan aron dili na siya makaeskapo sa iyang responsibilidad.

Ug sa imong bahin paningkamot lang usab nga makatrabaho ka tungod kay kun ang suporta lang ang inyong saligan dili gyud kini paigo alang sa inyong gastohan labina kun moeskuyla na ang imong anak. -- Tita Salie