Usa ka hapon, mi-text si Sherlyn kang Mamer ug gipahibalo ang iyang boyfriend nga moapas siya sa trabahoan. Wala tuod mosipyat kay wala pa gani moabot ang oras sa pagpanggawas sa mga kawani, diha na si Sherlyn.
“Milaag ko Mer kay gisamokan ko sa balay. Miadto ang akong ex-boyfriend ug mamugos g’yud nga magbalik kuno mi. Ako’ng giingnan nga makuli na kana mahitabo,†ni Sherlyn pa.
Kalit nga gibati og kabalaka si Mamer kay basin og matintal pa si Sherlyn sa kanhi niya hinigugma. Dili na gusto si Mamer nga mahanaw pa kaniya si Sherlyn.
Gusto ni Mamer nga sukdon niya si Sherlyn kun tinood ba g’yud kini nga nahigugma kaniya. Nakabantay si Sherlyn nga nasubo ang iyang boyfriend sa iyang gitug-an.
“Ayaw lang kabalaka Mer kay dili g’yud ko makigbalik kaniya,†gipasaligan ni Sherlyn si Mamer. Kalit misantop sa huna-huna ni Mamer nga sukdon niya ang gugma ni Sherlyn.
Nag-atang sila og kasakyan atubangan sa opisina nga gitrabahoan sa ulitawo. Wala pa sila makahukom kun asa mopaingon nianang hapona.
“Mahimo ba nga imatuod nimo kanako Sherlyn nga nahigugma ka g’yud kanako?†giingnan ni Mamer ang dalaga samtang iya kining gitutokan. Milingi si Sherlyn kang Mamer.
“Unsa’y buot mo nga ipasabot sa imong pangutana?†matud ni Sherlyn nga daw mikunot ang duha niini ka kilay. Wala dayon motubag si Mamer, ingon sa naghuna-huna kun unsaon niya pagsulti.
Dayon may kaisog na g’yud si Mamer pagsulti sa anaa sa iyang kaisipan. “Gusto ko nga ubanan ko nimo sa dapit nga kita ra’ng duha aron akong masuta kun tinuod ba gayud nga imo ko nga gimahal. Total, ako wala na’y pagduha-duha nga in-love kaayo ug andam ko ikaw nga pakaslan.â€
Si Sherlyn na usab ang wala makatingog. Nasabtan niya kun unsa ang mao nga dapit nga gipasabot ni Mamer nga ilang adtoan.
“Angay pa ba gud nako nga pamatud-an nga in-love man ‘sab kaayo ko nimo Mer. Ang imong kamapaubsanon, dili hambugero ug hinay nga manulti maoy akong nagustohan,†matud sa dalaga.
“Bitaw, dili man ‘sab ko mamugos apan mas nindot g’yud kun akong mapamatud-an nga in-love ka kanako,†ni Mamer pa sa kalma kaayo nga tingog.
Mipahiyom si Sherlyn. “Buyno, aron mahibaw-an nimo nga wala ko maglimod nga in-love kaayo ko nimo, tumanan ko ikaw Mer. Itugyan ko kanimo ang akong kaugalingon karon ubos sa hangyo nga ayaw lang tawon ko pasagdi,†matud ni Sherlyn. Si Sherlyn pa ang mipara og taksi. Nagtupad sila paglingkod sa luyo nga lingkoranan samtang ang taksi padulong na sa mabugnaw nga lugar. –(Kataposan)