Sungkod sa tigulang

Gidala si Brendo sa tigulang lalake nga nagsungkod padulong sa bukid. Natingala si Brendo kay nagbinugtong ang maong balay. Sa kadako sa maong balay aduna siya’y nasigpatan. Ang usa ka dakong itom nga iring.

“Batan-on ayaw kahadlok dili ako dautan,” matud sa tigulang nga kahibulungan.

“Iyo, ayaw kabalaka kay dili ko mahadlok,” tubag ni Brendo.

“Maayo hinuon nga dili ka mahadlok. Pero nasayod kong nahadlok ka sa akong binuhi nga dakong itom nga iring,” matud sa tigulang nga kahibulungan.

Usa ka higayon niana gisugo siya sa tigulang lalake sa pagpanglimpyo. Sa tanto niyang panglimpyo nakit-an niya ang daghang mga lawalawa tungod sa ka karaan sa maong dakong balay. Tungod sa pagkasipat ni Brendo gipanid-an niya ang karaang balay.

Nianang pagkabuntag may daghang tawo nga nibisita sa karaang balay sa tigulang lalake. Gani usa sa iyang nakita ang iyang mga ginikanan nga sila si Lorena ug Nito nga nagpatambal sa ilang balatian. Ug sa kalit lang nangaayo ang ilang sakit pinaagi sa gamhanang sungkod sa tigulang katingalahan.

Sa pagkasipat  gyud ni Brendo nangandoy siya nga maiya ang sungkod kay nasina  siya sa tigulang nga nakaayo sa mga masakiton. Ug nagplano na si Brendo kun unsaon nga makuha ang sungkod nga gamhanan.

“Kun malipat lang gani kang tigulanga ka ako kanang kuhaon ang sungkod. Aron ilhon kong mananambal ug pangayuan ko sila og salapi,” saysay ni Brendo nga mainampingon ang lihok.

Sa dihang nalipat na ang katingalahan nga tigulang lalake nga tag-iya sa sungkod nga gamhanan. Perting lipaya sa sipat nga Brendo kay maiya naman ang sungkod.

Kay sa paglakaw makadiyot sa tigulang, iya man nga gibalik sa kwarto nga higdaanan sa tigulang.

Apan sa dihang nakuptan na ang sungkod ni Brendo daw gilamat siya. Kay ang sungkod nahimong dakong iring nga itom.

Pipila ka segundos may mabagang aso nga kalit nga nipakita ni Brendo. Apan sa dakong kahibulong nakita ni Brendo nga ang aso nahimong tigulang gamhanan.

Dangtan og pipila ka minutos, nahimong inano si Brendo kay nasuko ang tigulang katingalahan nga gikuha ang sungkod nga gamhanan. Nagbasol si Brendo nga dakong sayop ang iyang gibuhat tungod lang sa kasina. Mao nga niuli si Brendo sa ilaha nga nahimong inano.

“Papa Nito ug Mama Lorena, gisilotan ko sa tigulang gamhanan,” saysay ni Brendo.

“Uy, Brendo,.... nganong nahimo kang inano?” sukot ni Nito nga nahibulong.

“Papa Nito, dili gyud diay angay magbuhat og dautan. Kay moresulta gyud ang hiwi nga binuhatan. Ako lang gani karon nahimong tawong inano. Tungod lang sa sungkod sa tigulang,” matud ni Brendo nga nagbasol. (Kataposan)