Alas otso sa gabii. Sulod sa Pagaso Subdivision sa baryo Tilasiw ning dakbayan. Nadistorbo na sab ang pagtan-aw og telenobela nalang Arlene ug Dina.Kay nagsugod na sab og kanta si Zaldy nga drayber sa ilang silingan nga ang balay naa dapit sa kasadpan, atbang sa balay ni Arlene.
Tabokunon lang ang balay og dalan sa subdivision. Way koral. Kasamtangang gikanta ang awit nga nag-ulohan “Ikaw Ang Aking Pangarap†nga gipasikat ni Piolo Pascual ug Martin Nievera. Theme song ni sa telenobela nga “Lobo†naglingkod lang og plastic nga lingkuranan si Zaldy nga nagtalikod sa grahean sa kotse sa iyang amo. Nag-atubang sa balay ni Arlene samtang nagkanta.
Nahalingi sa bintana ang duha ka babaye samtang naglingkod sa sopa sa sala. Si Arlene minyo, ang bana tua’s abroad. Usa ka tuig na. Duha ka tuig pa una mahibalik tungod sa kontrata. Si Dina ray kauban niya sa balay. Dalaga si Dina, ig-agaw ni Arlene, ug maoy maid sa naulahi.
“Nindota gyud og tingog tawhanaâ€, ni Arlene.
“Maayo sab mokaskas sa duyog niyang gitara†ni Dina. “Ngano kahang alas otso man gyuy ikanta?†ni Arlene.
“Motan-aw man na siya’g TV Patrol. Unya ini’g ka human sa TV patrol, basketbol may tan-awon sa iyang amo. Wa man siya’y hilig og basketbol. Maong magkantakanta na lang†ni Dina.
“Nganong nasayod man ka?†ni Arlene.
“Nagkaistorya man mi usahay kanang naa kay ipapalit sa tindahan. Samtang manglimpiyo siya’s kotse iyang gimaneho†ni Dina.
“Unya, sa imong tan-aw? Ulitawo siya o minyo?†ni Arlene. “Ulitawo man. May crush man gani nimo. Kay magsige’g pangutana bahin nimoâ€, ni Dina.
“Mao ba? Imbitaha hinoon. Ari pakantaha’s sulod sa ato. Pagngon nakong TVâ€, ni Arlene. Daw nakalitan. May hilom sab siyang pagtan-aw ni Zaldy. Pilit gyud hinuon og tinan-awan si Zaldy niya kanang maglakaw siyang muadto sa tindahan unya mag- short pants lang og pakigol. Bigot man sab gud siya’g lawas. Daw dalaga pa. Duha katuig pa man siyang minyo.
“Buang! Di kaha ta mayawa sa imong bana. Kun hinsayrang nidawat ta’g bisitang lalaki?’ ni Dina.
“Ikaw lay angkon nga namisita nimoâ€, ni Arlene. Nisidlak ang mga mata ni Dina. Duna sab siya’y pagtan-aw ni Zaldy. Guwapo ug macho man sab gong tawhana. Unya buotan manglihoklihok ug manulti. Maong nauyonan sa iyang mga amo ug sa mga anak nga nagtungha pa’s elementarya.
“Segurado ka? Kay mogawas na koâ€, ni Dina. Nitindog. Nakahinuktok si Arlene.
“Ayaw lang bitaw. Hapit na man akong birthday. Mag-party lang unya ta. Unya imbitahon nato ang mga amo ni Zaldy. Ug siya’y atong pamalihugong muabang og videoke,†ni Arlene.
“Maayo pa,†ni Dina. Nilingkod og balik. Nipadayon og tan-aw sa telenobela. Apan ang dunggan tua nagpaminaw sa gawas sa bintana. (Katapusan)