Gula 117
“Go on, sister Veronica,†nagkanayon ang madre superyor. “Nasayod ko nga dili ka pasagdan sa Diyos sa imong mga desisyon. Gimahal ka sa Diyos. Gipangga niya ang mga katawhan nga nagmahal usab kaniya.â€
“Please pray for me, mother Superior,†ni sister Veronica.
“Sure,†sanong sa madre superyor. “And good luck.â€
“Thank you very much,†nakaingon si sister Veronica nga mibati’g kalipay. Wala siya makapugong sa iyang kaugalingon nahagakos siya sa madre superyor.
Ang madre superyor nga ingon sa natukbil usab sa kalimbatianon sa higayon, migakos usab kang sister Veronica.
Ipanghinaot ko nga magmalipayon ka uban kang Rey,†nagkanayon ang madre superyor.
Unya, milugak ang ilang paggaksanay. May mga luha nga namiaw sa mga mata ni sister Veronica. Luha sa kalipay sagol kawili. Kalipay tungod kay wala’y pagsupak ang madre superyor sa iyang desisyon. Nakasabot gayod kini sa iyang kahimtang. Sa laing bahin, may kawili usab nga mihawid kaniya sa pagbiya sa kombento. Sulod sa katuigan sa iyang pagmadre, nakat-on siya pagmahal sa tanang namuyo sa kombento. Tipik na ang kombento sa Orchids Sisters sa iyang kinabuhi nga lisod nga langkaton sa iyang panumdoman.
Apan bug-os na ang iyang desisyon sa paggawas sa kombento. Naplansa na ang tanan. Nakapananghid na siya sa madre superyor. Ug gisultihan na niya si Rey sa iyang hinanaling desisyon. -- Sumpayan pa