Nakakita dayon

Dear Tita Salie,

Maayong adlaw ug sa tanan nga tigbasahan og pasabta ko. My problem is about my lovelife.

Usa ko ka lesbian ug duna koy uyab sa una. Love kaayo nako ang maong babaye to the max gyud.

Apan wala ko magdahom nga iya kong gikalitan, Tita Salie. Nakigbulag siya nako nga wala man unta ko’y nabuhat nga sala ngadto kaniya. Bisan unsaon nako og hunahuna wala gyod ko’y makitang rason aron iya tong buhaton kanako.

Ug ang nakapait pa gyud, Tita Salie, kay nakauyab dayon siya og lalaki. Pait!

Sakit kaayo alang kanako, Tita Salie, tungod kay love man kaayo nako siya. Magsige ra ko’g hunahuna niya karon.

Unsa may angay kong buhaton aron maka-move on na ko. Palihug pasabta intawon ko. Thank you and more power.

* * *

Have a nice day,

Sakit mang  dawaton nimo apan kinahanglan nga atubangon ang kamatuoran. Tingali kun duna siya’y plano sa iyang life nga magminyo na o kaha makabaton og pamilya ug mao kini ang bug-at nga rason kun nganong nakigbulag siya kanimo.

Of course, kun ikaw ang iyang unongan ug minyoan dili man gyud niya makab-ot ang iyang gusto nga mamahimong usa ka inahan. Dili man gyud mahitabo nga makabaton siya og iyang pamilya diha kanimo tungod kay dili man gyud puwede nga magminyo mo.

Sama sa pagdawat sa uban sa imong pagkatawo dawata usab ang nahitabo sa imong gugma kay dili man gyud nato puydeng bug-at kun unsay gusto sa uban. Niining paagiha tingali kun maka-move on na ka. -- Tita Salie