Kapit patalim

Gula 5

Gikauwaw g’yud unta ni Grace ang iyang trabaho isip masahesta nga migamit og lingam nga paagi sa pagmasahe. Kinatawo sa lalaki iapil sa pagmasahe.

Giantos na lang ni Grace ang kauwaw tungod kay dali ra man usab siya nga nakatigum kay gawas sa iyang gamay’ng sweldo sa massage parlor, daku ang tip nga madala niya pauli matag kaadlawon human sa ilang duty ni Gina.

Sagad gani, mas daku pa’g tip nga matigum si Grace kay kang Gina. Apan usa ka gabii dihang mi-report na si Grace sa massage parlor, giduol siya sa manager ug miingon nga magpamasahe kini didto sa iyang opisina.

Kabalibaron si Grace kay mauwaw siya nga momasahe sa iyang manager. “Lakaw, masahi-i si sir. Kami bitaw nakamasahe na niya,” matud ni Gina dihang gisuginlan ni Grace ang amiga.

Misulod si Grace sa opisina sa manager nga nag-ukon-ukon. Nakita niya nga naghukas ug nag-brief na lang ang manager. Diha pa makabantay si Grace nga aduna diay gamay’ng higdaanan ang opisina niini.

“Dali, masahii ko Grace. Tan-awon nako kun maayo ka na ba g’yud momasahe kay para ipa-regular ko ikaw nga empleyada niining massage parlor aron hitsas ka sa benefits,” giingnan si Grace sa manager.

Mihigda ang manager sa gamay’ng higdaanan. Naghinuktok si Grace ug daw kabalibaron. Apan nahadlok usab siya nga basin og taktakon unya sa iyang trabaho. Napugos si Grace pagmasahe.

Sa tanto nga paghapyud-hapyod ni Grace sa lawas sa manager, nakabantay siya nga mibarog ang Junior niini. “Sige na Grace, masahii na,” matud sa manager.

Napugos si Grace pagmasahe sa nagbarog na nga Junior sa iyang manager. Apan gigabling siya sa manager ug gigakus. “Ayaw sir, masahe ra baya ang ako dinhi,” matud ni Grace.

Apan wala maminaw ang manager ug migakus, mihawok kini ni Grace. Kasinggiton unta si Grace apan gidaug siya sa kahadlok. Nahitabo ang dili unta gusto nga mahitabo ni Grace.

Malampuson ang iyang manager pag-angkon sa pagkababaye ni Grace. Butang kini nga gikaguol pag-ayo sa dalaga. Gihatagan siya og P2,000 sa iyang manager. Naghilak si Grace nga migawas sa opisina sa manager.

Duna unta’y magpamasahe ni Grace apan iyang gibalibaran. Taud-taud, nahukman ni Grace nga mopauli siya. Nananghid si Grace kang Gina nga mouli. “Gihilabtan ka ni sir?” gisukna ni Gina ang amiga.

Wala motubag si Grace ug igo lang miduko. “Kami bitaw day, nag-agi ‘sab g’yud sa kamot anang sir dihang bag-o pa mi dinhi,” matud ni Gina. Mipauli g’yud si Grace ug wala na motiwas sa iyang duty. - Sumpayan