Dear Tita Salie,
Have a wonderful day. Just call me Maria Fe from S.R.P. Talisay City. Dalaga pa ko.
Ang problema nako mao kining akong relasyon sa usa ka foreigner.
Tungod sa among kasuod, Tita Salie, mora og na-develop ko niya ug naobserbahan pod nako nga mora’g na-in love na pod siya diri nako.Ganahan ko niya tungod kay buotan man kaayo siya ug girespeto ko niya. Tanan niyang gusto nga ihatag nako ako ra bang gidawat, Tita Salie. Wala kaha kini kapalit?
Nasayod ko nga divorced na siya sa iyang asawa didto sa ilang dapit, apan matud sa akong nadunggan duna kuno siya’y gipakaslan nga laing babaye dinhi sa Pilipinas.
Unsaon man nako pagkahibalo sa tinuoray niyang pagkatawo? Gusto ra ba siyang moadto sa amo sa Leyte aron makig-ila-ila sa akong mga parents. Unsay akong buhaton? Palihog pasabta ko. Thank you so much and more power.
* * *
Good day,
Mas maayo gyod nga magmatngon kanunay labina kun mahitungod na sa gugma aron dili ta maigo sa kanta nga “Victims of Loveâ€.
Matud nimo nga suod mo kaayo ug na-develop ka niya ug imong naobserbahan usab nga mora’g na-inlove siya diha kanimo. Apan dili pa man kaha mo uyab? Ug wala pa man siya manguyab kanimo. Busa wala pa kay problemahon. Kay ang-ang man kun mobigay ka niya unya dili pa kamo. Ayaw sudli ang butang nga sa imong tan-aw magapos ka. Kun manguyab siya kanimo that is the right time nga imong utingkayon ang iyang pagkatawo. Of course, imong patug-anon kun minyo ba siya o dili? Ayaw isurender ang bandera sa bataan kun wala kay kasegurohan sa iyang pagkatawo.
Utingkaya gyod pag-ayo kun kinahanglan nga moadto ka sa embassy aron maseguro. -- Tita Salie