Wala makatugkad si Grace sa kahulogan sa Lingam Massage. Misulod si Gina sa massage parlor ug misunod si Grace kaniya nga nagliraw ang mga mata. “Mingaw karon Grace, gabii ang daghan og kustomer nga magpamasahe,†matud ni Gina.
“Naa ba si sir?†gipangutana ni Gina ang babaye nga naglingkod sa front desk. Igo lang kini nga miyango ug mitutok kang Grace. Dihang diha na sila sa atubangan sa tinak-upan nga pultahan, gituktok kini ni Gina. Hinay nga gibuksan ni Gina ang pultahan ug anam-anam nila nga nakita ang lalaki nga naglingkud ug nag-atubang sa laptop nga diha sa lamesa.
Nangayo’g katahoran si Gina. Gipaila-ila niya si Grace ug giingnan ang manager nga gusto kini nga moaplay pagka masahesta. “Nakasuway ka na ba niining maong matang sa trabaho?†gisukna si Grace sa manager.
Milingo-lingo si Grace. “Gisultihan mo ba siya Gina sa trabaho nga buot niya sudlan?†si Gina na usab ang gipangutana sa manager. “Wala pa sir, apan gusto na g’yud si Grace nga makatrabaho,†matud ni Gina.
Gitutokan sa manager si Gina. “Ambot og magustohan mo ba kaha ang pagka masahesta. Lingam ang estelo nato dinhi sa atong massage parlor, dili sama sa uban nga ordinaryo ra mao nga mahal ang bayad namo sa mga masahesta dinhi.â€
“Makamao ra tingali ko ana sir kay duna man kaha’y training,†inosente kaayo ang pagpanubag ni Grace. Mipahiyom ang manager nga nagsud-ong kang Grace.
Nakita ni Grace nga gibunlot sa manager ang hunos sa atubangang bahin sa iyang lamesa. Gikuha niini ang pipila ka hulagway ug gitunol kang Grace.
“Mao kana nga matang sa masahe ang gihatag namo sa mga kustomer niining mao nga massage parlor,†matud sa manager. Daw nakalitan si Grace nga nagtan-aw sa hulagway.
Naitsa niya ang mga hulagway sa ibabaw sa lamesa kay iyang nakita ang usa ka lalaki nga naghayang sa hunol-hunol nga higdaanan apan ang kinatawo maoy gimasahean sa usa ka babaye.
Nahikatawa ang manager nga nagtan-aw ni Grace. “Dili niya kaya ang trabaho Gin. Papangitaa lang siya og laing trabaho,†giingnan sa manager si Gina. Mitindog si Grace gikan sa iyang gilingkoran. “Adto na kita Gin,†agni ni Grace sa iyang amiga. Daw dili makatuo si Grace nga ingon niadto ang trabaho sa amiga niya nga si Gina.
Wala siya magtingog samtang nag-atang sila og taksi nga ilang kasakyan. “Dili g’yud nimo kaya Grace? Dagku baya kaayo og kita ang mga masahesta diha kay mo-tip man og dagko ang mga kustomer labi na’g langyaw,†ni Gina pa. - Sumpayan