Makonsensiya

Dear Tita Salie,

Have a wonderful day. I just want to say thank you so much for all the help nga imong gihatag kanamong mga people nga dunay problema.

By the way, please call me Bratt Girl, from Cebu City. I am still single but mora og na-trap ko karon sa gugma nga wala nako tuyoa.

Duna man goy nanguyab nako. Wala ko’y gugma kaniya apan ako siyang gisugot kay trip lang kadto. Pero seryoso kaayo ang maong guy. Maong gusto unta nako siyang buwagan apan dili nako mabuhat.

Niuli siya sa Camotes kay gusto niyang motiwas pag-eskuyla. Ug sa iyang pagbiya iya kong giingnan nga magbinuotan ug dili nako siya ilisan kay mobalik ra siya after one year.”

Gusto unta nako siyang buwagan mentras bag-o pa mi. Apan mora man og makonsensiya ko. Unsa may akong buhaton, Tita Salie? Palihog pasabta ko. Thank you and more power.

* * *

Dearest Bratt Girl,

Ayaw na hasola ang imong kaugalingon tungod kay dili lisod sulbaron ang maong sitwasyon. Ang imo lamang bugtong buhaton mao nga magmatinud-anon ka sa imong kaugalingon. Kun tinuod nga wala ka mahigugma kaniya, pwes, padayona ang imong laraw nga sultihan siya sa tinuod mentras sayo pa ug bag-o pa ang inyong relasyon. Kay sa pagkakaron dili pa kini niya lisod dawaton. Ayaw paabota nga molabay pa ang daghang mga adlaw ug hangtud ikaw maglibog na tungod kay giganahan ka na usab sa maong gugma ug dili na konsensiya ang makapakgang kanimo sa pagpakigbulag kaniya.

Mas makonsensiya ka kun dili nimo siya sultihan sa tinuod ug maglaom siya sulod sa taas nga panahon nga imo siyang gihigugma apan sa tinuod natripan lang diay nimo siya. -- Tita Salie