“Uy, unsa may nakapamug-ot anang imong nawong, Bay, Retong?†matud ni Toreng, dihang iya kining naagian nga nagmugtok sa pantawan sa ilang balay. Padung siya manginhas. -.25m ang gilapdon sa hunasan ron.
“A, tungod ba kay semana santa, na. Kay Lunes Santo, karon†padayong tagawtaw ni Toreng, nga siya ra poy nagtubag-tubag sa iyang pangutana. Unsaon wa man kining iyang higala mitubag kaniya. Kansang mata di masukod kung ikapilang lawod tugpa.
“Di ba nag-ingon mang Ginoo, Bay. Nga kun magpuasa kamo, kaligo ug panudlay. Panghimungot ug pag-ilis kamo’g mga nindot nga beste. Aron ang mga tawo nga nagtan-aw kaninyo, dili mahibawo nga nagpuasa kamo. Kay ang nagbuhat sa ingon, gigantihan na,†padayon ni Toreng nga daw gikunsaran pod sa pito ka anghel.
“Taka lang ka, Bay, da!†sa katapusan mitingog ra gyud si Retong niya. Ug mikatawa’g hilaw.
“Mao bitaw na, Bay. Basaha sa kapitulo baba, bersikulo laway,†ni Toreng. Mingisi gamay.
“Buot kong ipasabot, di na mao nganong nagmug-ot ko, ron?†ni Retong. Nangagho.
“Unsa man diay imong gihunahuna, Bay, nga nakapamug-ot sa imong panagway?†ni Toreng nga midiyong ang mata.
“Unsa kahay maayong buhaton natong mga kabus, Bay, sa, karong krisis na kaayong panahon?†Nanuto si Retong
“Invest, ang maayong buhaton, nato, ron, Bay†daling tubag ni Toreng.
“Invest? nga wa man gani tay kwarta ipalit og brief†mingislo ang nawong ni Retong.
“Invest gud ... invest maligo ka panghilam-os lang sa. Invest maglung-ag ka, paglugaw lang sa, Invest manotbrush ka, panothpick lang sa!†matud ni Toreng nga wa gyod mokatawa. Seryoso kaayo. (Katapusan)