Gisakitan

Dear Tita Salie,

Have a nice day. Ug sa tanan nga nagsunod sa imong lindog. Kanunay gyud ko mobasa sa imong pasabta ko column.

By the way, tagoa lang ko sa name nga Ms. Kendie, dunay tulo kabuok mga anak. Pero hangtod karon wala pa gyud ko pakasli niining amahan sa akong anak.

Thirteen years na kaming nagtipon ug wala man untay problema bisan kondili pami kasado  hangtod nga naguba ang among maayong pagsinabtanay.

Nakauyab man gud ang akong partner sa usa ka babayeng minyo. Gisakitan ko, Tita Salie, tungod kay love nako siya. Hinuon, nagtipon pa mi pagpuyo apan duna nay kasuko ang akong kasingkasing ngadto kaniya. Unsa may angay nakong buhaton? Palihog pasabta ko, Tita Salie. Thank you.

* * *

Maayong adlaw. Kun duna pa kay gugma sa imong partner ug duna kay kaluoy sa inyong mga anak paningkamoti nga dili mabungkag ang inyong pagpuyo. Karon nga anaa pa kamo sa usa ka balay paningkamoti nga magpabiling tibuok mo kanunay. Tinuod nga lisod kining buhaton kanimo tungod kay ikaw ang nasakitan pero tungod og alang sa mga bata pasayloa ug hatagi’g chance ang imong partner.

Mas maayo usab kun inyong planohon ang inyong kaminyoon aron gyud mamahimo kang legal nga asawa ug dili na ka masayon-sayon niya’g pasakit. Mas nindot usab ang feeling sa mga bata kun kasado ang ilang mama ug papa kay secured sila.

Ingna ang imong partner nga kondili siya mohunong ikaw na mismo ang mosumbong sa pamilya sa iyang kabit. Aron iyang mahunahuna ang kalisod kun moabot kanang panahona. -- Tita Salie

 

Show comments