Hi Prof. pwede ko pahubad sa ako damgo? Damgo ko nga nag- popo kuno ko gahi nga hugaw, habang nagdagan ang sakyanan. Unsay buot ipasabot ana akong damgo?
Daghang salamat! — Clarice
Clarice,
Naatol man gyud nga ang imong damgo nga nagpopo ang nisugat sa bag-ong tuig! Mangayo ta’g sabot sa atong mga suki nga tigsunod kay basin og nangaon intawon ni sila karon sa ilang mga hinikay nga sud-an.
Nindot ni kay gahi man ang pangutana kung naglisod ba ka’g pagawas tungod sa kagahi? Pero kung wa man gani, nagpasabot nga naay naabot sa imong kinabuhi nga makatabang nimo og maayo.
Kung naglisod og gawas tungod sa kagahi, nagpasabot nga naay gahi kaayong mohatag sa iyang bayad. Kung naa man gani ni-promise nga mobayad sa iyang utang, kinahanglan nga imong permihon ug paningil aron mobayad gyud. Tungod sa imong ka busy, maglisod og apas ang mga tawo nimo ug makahimo og rason nga dili lang usa mobayad.
Amping!
Prof. Tata Swami
* * *
Hi Prof, maayong adlaw kanimo, kaning akong damgo taud-taud na pero hangtod karon bothered lang gihapon ko kay ingon nila maot daw ang meaning. Sa tinuod lang wala nako mahilona aning butanga ug para masulbad ni palihog ko’g hubad. Ang akong damgo nga nakakita ko og dako kaayo nga has color itom. Paghangad nako ningpilit ra sya sa ceiling. Kay talawan man ko og has ningdagan ko og taman ug ning singgit og tabang. Dayon dihay 2 ka gagmay nga puting has ningpaak sa akong likod ug ako ra daw pud gikuha. Nagpadayon ko og dagan hangtod nakakita na pud ko og laing dakong has puti na sad ang color nga ningpilit ra daw pud sa ibabaw paghangad nako. Mao na ang pinaka worst dream nga nahitabo naho for almost 4yrs. nga pagpanarbaho sa layo. Manghinaut ko nga kahatagan ni nimo’g pagtagad ug kasulbaran. Salamat kaayo and God Bless.— Fe
Fe,
Pastilan ning damgoha... pulos has.... wa gyu’y lain? Magkinahanglan gyud ni og hugot nga pag-ampo... kay kining damgoha, harap-harapan ang pagluib ani. To the extent nga tunglohon ka aron lang mapapas ka sa ilang dalan ug magpadayon ang ilang pagluib diha nimo. Nganong nakaingon ko nga harap-harapan? Kay ningpilit man gyud sa ceiling, nagpasabot nga mo-promise nimo nga magbag-o pero mao gihapon, naa gihapon ni pilit ang pagkamaluibon sa iyang pagkatawo ug maglisod og biya. Ningpaak pa gyud sa imong likod, samot!!! Nagpasabot nga kutob lang sa promise, pero inig kabantay niya nga ni salig na sad ka, mobalik ra pud sa iyang pagkamaluibon.
Pag-ampo gyud intawon aron masanta ning mga tawhana ok?
Amping!
Prof. Tata Swami
D' Swami (Descendant of Professor Swami)
Facebook page: https://www.facebook.com/BeyonddreamsBYdswami group page:https://www.facebook.com/groups/beyonddreams.swami/
* **
Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: beyonddreams2112@yahoo.com.