Nasabtan ni Dante nga daw gihakup na gayud sa grabeng kalalim si Linda ilabi na dihang gisulod na niya ang gingharian sa kalipay.
Nakasabot si Dante nga gimingaw na kaayo si Linda sa pakigparayganay og lalaki kay sigun sa gisulti niini kaganina taud-taud na nga nagkabuwag sila ug ang iyang kanhi kapuyo ug wala na gayud siya midawat pa og boyfriend.
Kilas kaayo ang lihok ni Linda nga daw adunay gigukod. Nakahatag usab kini og dugang kaikag ni Dante nga paspasan usab ang iyang mga lihok. Daw naglumbaanay sila si Linda kun kinsa kanila ang piskay ang mga lihok.
Nag-abot ang gininhawa nila ni Linda ug Dante dihang nagkadungan sila pag-abot sa kinatumyan sa bungtod nga ilang gitungas. “Karon, nasuta na g’yud nako Lin nga dakung sayop ang imong kanhi kapuyo nga gibiyaan ka niya,†giingnan ni Dante si Linda.
Mipahiyom lang si Linda nga nakadungog sa gisulti sa iyang textmate nga karon hingpit na nga nakatilaw sa iyang katam-is. “Satisfied g’yud kaayo ko sa imong performance Dan. Kadtong akong kapuyo kaniadto wala g’yoy lami, kay dili gani kaabot og dyes minutos human na,†ni Linda pa.
Kadto maoy sinugdanan sa daghan pa nila nga panag-uban ni Dante ug Linda. Diha’y higayon nga nag-deyt g’yud sila bali’g usa ka semana didto sa usa ka beach resort sa lungsod sa Oslob.
Ang nindot kaayo nga baybayon sa Oslob nga nahimutang luyo sa nasunog nga karaang simbahan maoy nahimo nila nga paraiso. Wala’y kalibotan intawon ang asawa ni Dante nga ang iyang bana tua diay nakig-uban sa laing babaye.
Gipatuo ni Dante ang iyang asawa nga gipadala siya og seminar sa ilang opisina didto sa Manila. Gani ang asawa pa ni Dante maoy nag-andam sa mga sapot ug ubang panginahanglanon ni Dante sa usa ka semana niya nga seminar.
Natagbaw g’yud sila si Dante ug Linda sa ilang usa ka semana nga honeymoon. Sa ilang pagpauli, didto ra nanaug si Linda sa Carcar ug si Dante na ang milahos pagpauli dinhi sa dakbayan.
Gabii na dihang miabot ang bus nga iyang gisakyan sa South Bus Terminal. Misakay dayon siya’g taksi paingon sa Barangay Sambag 1. Apan pagtangka gayud ni Dante sa dapit nga malantaw na ang ilang balay, nakita niya si Lorelie nga iyang asawa nga nanglaba.
Mao g’yuy paghayhay ni Lorelie sa karsones-maong ni Dante. Daw gihilap ang balatian ni Dante nga nagtan-aw sa maong sitwasyon. Kahilakon si Dante nga mihawok sa iyang buotang asawa. “Kumusta ang imong biyahe Dan?†nangutana si Lorelie.“Okey ra,†matud ni Dante nga mikuha sa iyang selpon ug gi-delete ang ngalan ni Linda. - Kataposan