Sex appeal

Dihang gipatalyer ni Danny iyang sakyanan tungod sa problema sa makina, duha ka adlaw siyang way sakyanan nga kaugalingon. Mosakay siya’g taksi kun maapekehan sa panahon. May opisina siya sa Calamba isip usa ka CPA. Iyang balay tua sa Kalunasan. Sa ikaduhang adlaw nga nag-commute lang siya, nakasakay siya’g taksi nga bag-o pa kaayo. Bugnaw kaayo ang aircon. Humot kaayo ang pahumot sulod sa taksi. Hapon na tong tungora pagsakay niya. Padulong na siya’s ilang balay.

Talagsaon ang hitsura sa drayber. Sa tan-aw ni Danny, dili angayan mag-drayber. Artistahon. Mestiso ug bigotilyo ang drayber. Natataw niya kay sa front seat man gyud siya tigsakay. Datuon og hitsura ang maong drayber. Kay lapas na man sa alas singko sa hapon, na-trapik sila sa dalan. Aron pawa sa laay, nakighinabi si Danny sa drayber.

“Imo ning unit, Dong?” ni Danny.

“Dili, sir. Sa akong uyab. Gipagamit lang nako. Bisa’g pila lay abang. Puwede gani’g way abang. Kun moingon kong mingaw” sa drayber.

Gibasa ni Danny ang ID nga gibitay tungod sa windshield. Ang ngalan sa drayber “Vicente Burlaso.”

“Pila man diay ka book imong uyab?” ni Danny dalang komedya.

“Tulo”.

“Kun nag-artista ka pa, di kay tulo lang imong uyab.”

“Mao bitaw nay kasagarang isulti’s akong mga amigo. Apan wa man gyud koy talent.”

“Wa kay talent. Pero lakas ka’g sex appeal”.

“Tinood tingale, sir. Kay kasagaran sa babaye makaila nako, ma-minyo, daga o biyuda, magpasabot gyud nga ganahan makig-sex nako.”

“Minyo na ka ulitawo pa?”

“Minyo na. Tulo nay akong nagtungha sa kolehiyo pero kanang akong asawa, ika-29 na nga uyab nako.”

“Kun iphon nimo tanang babaye natilawan nimo, pila gyud kaha ka book?”

“69 na tingale. Wa kaabot og 70.”

Nakapahiyom si Danny. Layo ra siya’s kumingking ining tawhana. Sa ulitawo pa siya, lima ray iyang  nauyab nga nahilabtan gyud niya. Pagkaminyo niya, wa na gyud siya katilaw og laing babaye. Kay faithful ug in love kaayo siya’s iyang asawa.

“Pila na may edad nimo?” ni Danny.

“45” sa drayber.

“Ako, 55 na ko. Ug kausa na lang sa usa ka semana molihok akoa” ni Danny.

“Maayo ka, sir. Kay molihok pa. Ako, sa pag-edad nako’g 43, patay na.”.

“Sa ato pa, impotent na ka karon?”

“O, sir” subo nga tono.

“Nagpa-doktor ka?”

“O. Pero niingon ang doctor, wa na siya’y mahimo. Kay over used kono”

“Unya unsaon na man lang nimo imong tulo ka uyab? Kay ang asawa mosabot ra man?’

“Dila na lang”

“Sakto sab. Gahigahi ma’g diyutay ang dila. Init-init pa” ni Danny.

Nagpahiyom ug gipahunong niya ang taksi kay niabot na sila tungod sa gate sa iyang balay. (Kataposan)