Hubad Sa Damgo

Dear Professor  “Tata”  Swami,

Taga-Surigao ko pero nakapuyo ko sa akong Lolo ug Lola diha sa Cebu. Magsige gyud mi og paminaw sa imong papa sa una sa radyo ug moingon gyud to akong Lolo nga bilib kaayo siya sa imong amahan kay daghan na man siya nakasuway nga natinuod ang iyang mga hubad sa mga damgo sa akong apohan.

Prof, nalipay kaayo ko nga naa gyud diay siya’y gibinlan sa iyang nakuha nga regalo isip manghubad sa mga damgo.

Professor nagdamgo man ko nga puwerteng hilak nako kay ang akong tiya nga maoy nagpadako nako, nagsige siya og yawyaw ug mangatagak iyang buhok kada yawyaw niya. Nakakita gyud ko nga nangalagas iyang mga buhok pero ang mangatagak kay lahi og color sa tua pa sa iyang ulo. Tiguwang na man akong tiya prof. Pero ang buhok nga mangatagak kay dili man puti itom man nga sinaw kaayo. Wala na ko kabalita sa akong tiya, Prof. hatagi intawon ko sa hubad sa akong damgo kay dili ko mahimutang Prof.

Imong suki kanunay sukad pa sa imong papa.

Dina O.

Dina,

Manghinaut ko nga magpabilin kang tigsunod ning atong lingaw-lingaw da ang tinud-anay nga panghubad sa inyong mga damgo ug awom. Kato among amahan, si Amading Abad, igo ra gyud ko magkuyog kuyog sa una niya, bantay sa mga baje nga magpaduding niya, sugo sa among inahan. Maminaw ko sa mga suki niya sa kahanginan ug moagik-ik lang pud ko kay malingaw man pud ko’g apil. Pero dili gyud ko kahibaw manghubad og damgo. Sa diha nang naospital si Daddy, naa siya’y gitunol nako, regalo kuno niya para sa akong bday. Wa diay ko kahibaw nga mao na diay ning pagpanghubad og damgo. Salamat pud kaayo nga nagsunod sunod pud ka sa atong column diri sa Banat News aron pud dili gihapon ka mauwahi sa kahulogan sa imong mga damgo.

Kini imong damgo noh, nagpasabot nga nagkinahanglan og mga pag-ampo imong tiya karong mga panahona. Pasabot nimo nga imbis mga puti nga buhok ang mangalagas, itom na hinuon. Nagkahulogan nga naa ni sakit imong tiya ug ka-surrenderon na intawon ni siya. Kumustaa gyud siya ug pangita og paagi nga magka-istoryahanay mo. Kung sa inyong panagkita   kay wa siya’y sakit, magpasalamat ta sa Ginoo…. Pero kinahanglan nga imo ni siyang ingnon gyud nga mag-amping sa iyang lawas ok? Kung naa man gani siya’y dakong suliran, tabangi kung naa man gani kay ikatabang.

Daghang salamat sa imong pagsunod sa atong lindog diri sa Banat News.

Amping!

Professor  Swami

D' Swami (Descendant of Professor Swami)

Facebook page: https://www.facebook.com/BeyonddreamsBYdswami

Group page: https://www.facebook.com/groups/beyonddreams.swami/

Group page: https://www.facebook.com/groups/beyonddreams.swami/