Hubad sa damgo

Dear Professor Swami,

Maayong adlaw nimo diha ug sa imong mga suki sa Banat News. Prof. sige gyud ko og sunod-sunod ni imong hubad sa damgo ug gusto kaayo kong makahibaw kung unsa ang meaning sa akong damgo nga hasol kaayo sa akong hunahuna.

Prof, nagdamgo ko nga nag-atang ko og bus ug diha ko’y kauban nga babaye nga nagsul-ob og puwa nga senina ug nidutdot gyud ni siya nako. Niiswag kuno ko kay basin og kawatan. Pag- abot sa bus kay nagdali-dali ko’g sakay aron dili siya makasunod nako ug gisirad-an gyud kuno siya sa pultahan sa bus ug nagpakiluoy ni siya sa driver pero gibaliwa lang ug nidiretso lang sa pagdagan ang maong bus.

Sa pagsige nako’g tan-aw sa babaye professor, nahimo man siya ug akong ex nga dugay na nakong gibiyaan kay nakigduwa og laing team. 5 yrs pud mi ato, pero malipayon nako karon kuyog sa akong asawa ug 3 ka mga anak, Prof. unsay pasabot sa akong damgo professor? Daghang salamat ug more power! — Mr. Villegas

Mr. Villegas,

Pagkanindot paminawon nga suki ka ning atong lingaw-lingaw sa pagpanghubad sa mga damgo.

Klaro kaayo sa imong damgo nga “pasan ang daigdig” ang peg sa imong ex! Kay nagpasabot nga dili lang ikaw ang nisalikway sa imong ex, hasta ang ubang tawo nga nakahibaw sa iyang gibuhat. Kahibaw ba ka nga naa pa man gihapon ang iyang pagbati diha nimo? Klaro kaayo kay nakita man gyud nimo ang iyang gisul-ob nga PUWA ug gusto pang modutdot. Pero unsaon ta man nga malipayon na man ka ug kahibaw pud ko nga dili naka ganahan modawat niya kay imo naman lang siyang gitan-aw ug wa man gyud ka mo-try og naug o’ pag-abli man lang sa maong pultahan sa bus. Kung motuo man gani kag gitawag nga KARMA, motuo pud ko… mao bitaw nang atong golden rule “One should treat others as one would like others to treat oneself,” i-ampo na lang to imong ex aron makakita na intawon to siya og tarong nga tawo nga mopangga niya ug dili na pud siya bawsan pa.— Amping!

Professor Swami

D' Swami (Descendant of Professor Swami) Facebook page: https://www.facebook.com/BeyonddreamsBYdswami Group page: https://www.facebook.com/groups/beyonddreams.swami/ Group page: https://www.facebook.com/groups/beyonddreams.swami/

* **

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].