Dear prof.
Magpahubad unta ako sa akong damgo prof. , ako diay si Angelie. Nagdamgo ko sa akong crush sa una prof. pero wa na koy feelings niya.
Sa akong damgo prof. kay nasaag daw mi sa akong tulo ka kauban sa usa ka baryo unya naabot mi sa usa ka dakong balay. Unya naay iro nag-atang namo unya gigukod mi.
Niabot ang akong crush sauna unya siya diay ang nagpagukod sa iro namo unya siya ra sad ang nagpahunong niini, gamay na lang baya to’g kuwang prof unya mapaakan na jud mi unya paghuman niya’g pahunong ato prof nikatawa siya unya nangayo’g sorry namo. Unya gipasu’d mi niya atong balay na dako nya ingon siya ilaha daw to pero sa original prof. wa baya jud ko kakita sa ilang balay wala sad ko kaadto. Paghuman ato prof. gidala mi nya sa baybayon unya iya ko gitagaan og singsing nindot baya ang singsing prof.
Unsa kahay pasabot sa akong damgo prof mamalihog lang ko’g pahubad nimo salamat daan prof. —Angelie
Angelie,
Kini imong damgo nagkahulugan nga dili gyud to angay nga sundon ang imong crush kay dili man tinud-anay ang iyang pagbati diha nimo, liman ka’g nasaag mo!
Hinumdumi kuno ang mga panghitabo sa una, nga naa kay nakaaway nga higala tungod aning crush crush nimo! Nakahibaw man ning tawhana nga naay naggukod niya ug pwerteng dako-a kung maka-ngisi na!!!
Pero karong mga panahona, nasugamak ni siya sa gugma’ng wala’y ayo! In other words, nakabawos naka! Basin og under kaayo ni siya sa iyang gihigugma karon o’ dili gyud maayo ang iyang gipili karon ug kun makahinumdum siya nimo karon, igo lang ni siya mag lingo-lingo kay iyang gisayangan ang imong pagbati.
Amping!
Professor Swami
D' Swami (Descendant of Professor Swami) Facebook page: https://www.facebook.com/BeyonddreamsBYdswami Group page: https://www.facebook.com/groups/beyonddreams.swami/ Group page: https://www.facebook.com/groups/beyonddreams.swami/
* **
Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: beyonddreams2112@yahoo.com.