Gula 4
Ang duha ka kauban sa tulisan abtik usab nga milanit sa ilang mga armas ug gipangtionan ang mga pasahero nga nangalisang na pag-ayo.
Wala makalihok si Sister Veronica sa iyang gilingkoran luyo sa drayber nga niining higayona, gitionan pa gihapon sa pistola nga gigunitan sa usa ka hold-aper.
Ang tulo ka hold-aper nga nagunit og mga hinagiban nga mobuto maisugon kaayong mimando sa mga pasahero sa pagpagawas sa tanan nilang mga salapi ug alahas. Ang mga pasahero sa bus nga gigamhan sa tumang kahadlok mituman sa wala’y daghang kusmod sa mando sa mga tulisan. Lakip ang kuwarta nga koleksiyon sa konduktor sa mga pasahero gikuha sa tulisan.
Kadali rang nahipos sa duha ka tulisan ang mga salapi ug alahas sa mga pasahero. Ang usa ka tulisan nagtion gihapon sa iyang pistola ngadto sa tampihak sa drayber ug gimandoan kini nga ipadayon ang pagpadagan sa sakyanan. Diha na lugaki sa tulisan ang drayber sa nahipos na sa duha niya ka kauban ang mga salapi ug alahas nga gisulod nila sa bag.
Niining higayona, si Sister Veronica wala maglihok ug wala magtingog nga naglingkod. Nahimutang siya duol sa usa ka hold-aper sanglit diha man siya maglingkod sa luyo sa drayber. Wala siya mopakita’g pagtutol dihang gikuha sa hold-aper ang shoulder bag nga iyang gisabak.
“Bradâ€, gisangpit sa usa ka tulisan ang kauban niini nga diha sa duol ni Sister Veronica, mora’g nindot nga potahe kanang anaa sa imong duol, da.†-- Sumpayan pa