Pahinumdom alang sa gustong magminyo

Una magminyo ang tawo, kinahanglang magtagbaw sila sa ilang pagkaulitawo ug pagka-dalaga. Kun unsang mga butang ang angay buhaton ug i-enjoy niining panahona, importante nga isinati gayod. Kay...time is passing by and life is not like a tape recorder that when you missed something in the past, you just rewind the tape and have it corrected.

Kuyaw ang tawo nga magminyo, kinsa wala mabuhong ug magpabuhong sa mga butang nga gidesayin sa panahon alang sa mga dalaga’g ulitawo.

 Kay sagad kanila, mahimong late bloomers. Kun dili matigulang, di magpabadlong! Unsaon, diha na man siya mosulay og barkadabarkada ug pagpanguyab og daghan pagkaminyo na, diin pagkatilaw sa talagsaong lami niini, nabag-ohan, nahigalam ug nagkabuang.

Resulta, broken home! Ngano? Tungod kay ang buhat nga iya lang sa mga dalaga’g ulitawo, dili maayong buhaton sa mga tawong minyo na.

Kun mosulod na kita sa kalibotan sa kaminyoon, itanom sa utok nga anaa na ta sa bag-ong pahina sa kinabuhi. Kun minyo na ta, kinahanglang itingob ang tibuok atensiyon ngadto sa atong pamilya.

Mo-concentrate na ta sa pag-ugmad sa gitarok tang tigbayon alang sa kabulahanan sa atong asawa’g mga anak. Di na ta anang uyab-uyab kay migdrawet na man ta! Kay angay lang ning buhaton niadtong wala pa kita’y kabilinggan sa kinabuhi.

Apan karon nga aduna na, likayan gyud nato ang pagkaon sa mansanas nga itental sa mga bitin. Kaaway kini sa Ginoo. Di ba gipalayas man Niya silang Eba ug Adan sa paraiso gumikan niini?

Malipayon ang kaminyoon kun makig-bonding ang matag usa sukad niadtong adlaw sa ilang kasal, diin pagkagabii diha sa ilang panaghigala, ilang giumol ang bag-ong kinabuhi nga maoy bunga sa ilang pagminahalay. Nindot kaayo nga atong asawa’g mga anak maoy gihimo tang tunay nga barkada kanunay kay dinhi mosamot katahom ug kalig-on ang relasyon sa pamilya nunot sa pag-irog sa panahon.

Hunahunaa. Mubo ra kaayo ang kinabuhi. Dili ta usikan ang matag gutling nga molabay. Ipabati ta kanunay ang kainit sa gugma ngadto sa atong mga minahal. Importante, nga kaantigo tang mobahig sa time, unsa ug si kinsa ang una natong hataga’g prayoridad sa atong kinabuhi nga mao kining mosunod: Una, ang Ginoo. Ikaduha, ang pamilya. Ug ang trabaho mao nay ikatulo.

Kun usbon ang pagkabahig (arrangement) niini, maguba ang malipayon nga, kaminyoon. Ug maoy mopuli ang kasub-anan nga ingon sa wala’y kahumanan. Kini base sa nakaagi na niini.