“Mahimong mo-eskuyla ka bahin sa driving,†nagkanayon si Neggar. “Pero puwede man kun ako ray motudlo nimo samtang dili pa ko molarga.â€
Tuod man, gitun-an gyud ko ni Neggar sa pagmaneho sa sakyanan. Adto mi usahay sa Marigondon magpraktis, among pilion ang dili kaayo bisi nga dapit.
Wala na ko magproblema sa akong lisensiya kay may lisensiya na ko sa una dihang mo-extra ko sa pag-drive og tricycle sa among silingan sa Barili. Hinuon, expired na apan igo na lang kining i-renew.
Samtang nagpaabot si Neggar sa schedule sa iyang paglarga, naglisod ko sa paglusot sa higayon nga si Bob gustong makigkita nako. Bisan unsa lang alibi ang akong himuon aron mosugot si Neggar nga molakaw ko nga dili siya kauban.
Bisan sa among kinawat-kawat nga kalipay ni Bob, apan akong gipaningkamotan nga dili mabalibaran si Neggar sa iyang biological needs aron dili siya magduda nga nakigdula ko sa laing team.
Kun unsa kainit ang akong pagpinarayganay ni Bob, palabwan ko pa kini kun si Neggar ang akong kasawo sa pagtagay sa lawasnong kalipay. Lipayon gyud nako’g maayo si Neggar everytime nga siya ang akong partner.
Paglabay sa dul-an usa ka bulan, gipahibalo na si Neggar nga palargahon na siya.
Nangandam dayon si Neggar.
“Pag-ayo-ayo dinhi, ha, Maria,†giingnan ko ni Neggar sa dayon na niyang sulod sa departure area sa Mactan aron molarga na. -- Sumpayan pa