Gula 2
Naglaway ra si Philip nga nagtan-aw sa tawo nga upawon tungod kay gibag-id bag-iran kini sa dancer nga matag karon ug unya magpukas-pukas sa iyang gisul-ob nga underwear.
Mibarug si Philip ug misulod sa pansayan sa bar. Gi-set niya ang iyang selpon nga dili mo-flash kun gamiton niya sa pagkuha og hulagway. Gi-set niya kini sa video mode, dayon giandam nga usa na lang ka pindot mosugod na pagkuha’g video footage.
Dayon gikuha ni Philip ang usa niya ka selpon ug giteksan ang kauban niya nga reporter -- si Dante. Gipahibawo niya sa iyang nasaksihan didto sa Wild Orchids Bar.
Mibalik si Philip sa iyang lamesa. Diha pa gihapon kadtong dancer nga nagpadayon sa pagsayaw-sayaw kilid niadtong tawo nga upawon. Wala madugay, gigakus sa upawon nga tawo ang dancer. Misiyagit pag-ayo ang mga customer nga nahimuot.
Kalit lang misiga ang search light nga nagbanwag sa dancer nga mihimo’g pakulo ngadto sa usa ka customer. Napanid-an ni Philip nga ang tanang mga mata didto na sa dancer nga nagsayaw.
Gikuot niya ang iyang selpon ug iya kining gipindot aron mosugod na pagkuha og footage. Gidungan paggunit ni Philip ang botelya sa beer aron dili siya mabantayan nga nagkuha’g shot sa dancer.
Tungod sa seach light, hayag kaayo ang maong lugar. Nahimuot si Philip kay walay kasayuran ang mga tawo nga nakuhaan niya’g hulagway ang gihimo sa mao nga dancer.
Unya, kalit lang gipawong ang search light ug may waiter nga nagdagan ngadto sa dancer. “Raid! Raid! Sibat dayon!†singgit sa waiter ngadto sa dancer. Nakita ni Philip nga ang team na sa City Hall ang miabot.
Dali nga gigiyahan ni Philip ang mga sakop sa Raiding Team kun asa mitago ang dancer nga nagpasundayag og hilas nga talan-awon atubangan sa mga customer.
Tuod, naaktohan pa nila nga wala pa kini makailis sa iyang sapot. “Dad-a na sir, duna ko’y video footage nga nakuha... dia sa akong selpon,†giingnan ni Philip ang raiding team.
Apil nga gisikop sa raiding team mao ang floor manager sa bar. Didto sa police station, nasayran ni Philip nga Joan ang ngalan sa mao nga dancer.
“Duna kay video nako? Danghag g’yud ni kaayo sila uy, wala magbantay,†giingnan ni Joan si Philip. Mitukar dayon ang ka-tsik boy ni Philip. “Walay problema na uy, kapila ra’y pag-ingon nga na-delete,†matud ni Philip nga nagngisi ngadto sa dancer.
“Tinuod ka? Ayaw lang na ipakita ha para wala sila’y ebidensya nako,†matud sa dancer ngadto ni Philip. “Sayon ra kaayo na, pero may ihangyo ‘sab ko nimo,†ni Philip pa nga nagpahiyom. - Sumpayan