Maria Magdalena

Kun ang ako lang kabubut-on maoy masunod, dili na gyud unta ko makigkita kang Bob. Kun kalipay nga lawasnon lang maoy tuyo, kontento na ko sa sexual life namo ni Neggar. Dili sab unta ko buot makasala ngadto ni Neggar kay nasuta ko nga seryoso siya sa iyang pakig-live in nako. Pero lisod balibaran si Bob. Lisod kining pasabton labi na kay nagumon kini sa bisyo sa ginadiling drugas.

Pagkaugma, napugos gyud ko pagpakigkita ni Bob. Sama sa akong gipaabot nga mahitabo, gidala ko ni Bob sa usa ka pribadong lawak.

Sa pagkahuman sa tuyo ni Bob, nagbuwag na kami pagpamauli.

Pagkasunod adlaw nahiuli na si Neggar gikan sa Singapore. Wala na lang siya magpasugat nako sa airport. Nanawag lang siya nako sa cellphone aron pagpahibalo nga moabot siya. Giingnan ko niya nga mangandam kay gimingaw na siya kanako.

Pag-abot ni Neggar sa balay, nakaandam na ko.

“Wa ka ba diay kapoya sa biyahe?” Gipangutana ko si Neggar.

“Wa man,” maoy iyang tubag. “Sagdi lang. Mopahuway ko inighuman sa atong buhaton. Gipahungaw namo ni Neggar ang kamingaw ug kahidlaw sa usa’g-usa.

“Kumosta ang imong tuyo didto sa Singapore?” Gipangutana ko siya samtang nag-unlan ko sa iyang dughan. -- Sumpayan pa