“Pahimuslan ta ang higayon, Maria. I’m sure, dugay pa tang magkita pag-usab kay ma-busy na man sab unya ko sa trabaho.â€
Wala ko motingog. Nakaseguro kong husto ang pangagpas ni Neggar nga dugay pa ming magkakita pag-usab. Layo man gud ang among gipuy-an sa Barili, ug siya may trabaho usab nga atimanon.
Wala ko motutol sa gustong mahitabo ni Neggar. Subli namong gisaw-an pagtagay ang matam-is nga dugos sa lawasnong kalipay. Among gitambayayongan pagkatkat ang hagdanan paingon sa tumoy sa katagbawan.
Menos kinse para alas dose mi-check out na mi si Neggar sa hotel. Nagkasabot ming mag-iyahay na’g dalan pag-abot namo sa gawas. Siya nagpahatod og taxi paingon sa SM City kay duna pa siya’y paliton. Ako misakay og taxi paingon sa bus terminal aron mopauli na sa Barili. Gihatagan ko ni Neggar og kuwarta para sa akong plete.
Nagsabot mi si Neggar nga magteksanay lang unya mi kun kanus-a mi magkita pag-usab.
Pag-abot nako sa Barili, giingnan ko nilang papa ug mama nga dili pa lang dugay nga nangita si Bob nako.
Kalit lang kong giabot og kabalaka. Wala ko masayod kun unsay akong ipangatarongan ngadto kang Bob sa higayon nga magkasulti na kami. Kay wala ko kapananghid niya. Nahadlok man gud ko nga mokuyog unya siya nako kun masayod siya nga molakaw ko.
Nianang pagkahapon, nahitungha si Bob sa balay. Gihatagan mi’g higayon sa akong mga ginikanan nga magkasulti’g maayo. -- Sumpayan pa