Kinsa diay gusto nimong mamatay?
Magduha na ka semana nga nalubong si Fiel. Apan wa pa gyo’y hunong sa paghilak si Eliza, ang kapuyo ni Fiel. Hapit na gani manganak ang kamaguwangan nilang anak ni Fiel nga si Lina. Gani, naglagot na si Lina. Kay wa pa gyod makadawat si Eliza sa kamatayon ni Fiel.
Halos dili na pod makaatiman si Eliza sa mga panginahanglan ni Celia, ang tomboy nga manghod ni Lina. Nga nagtungha sa CIT [karon Cebu Institute of Technology University] sa kursong architecture.
Daan na hinoon kining naglagot si Lina sa iyang inahan nga si Eliza. Kay matod niya sa iyang pangatarongan, nakigtipon ang iyang inahan sa iyang amahan nga wa makasal. Busa, hasta pod siya, nakighilawas sa usa ka tawo, nga wa siya pakasli.
Kay matod pa niya, tungod kono sa iyang kalagot, nga ingon niana ang iyang inahan, nga nakigtipon sa usa ka lalaking minyo. Bawos bawos lang kono.
Busa, yam-iran gyod niya ang iyang inahan kun makita niyang maghilak. Nga wa pa gyod makadawat sa kamatayon ni Fiel. Usa gani usa ka adlaw niana, nga nakit-an siyang naghilak ni Pastor, gikomedyahan pa man gani siya niini.
Pero ang bawos ni Eliza, “Tor, nganong si Fiel pa man gyod ang gikuha sa Ginoo? Nga manghod pa man unta to siya nimo?†Gitubag hinoon siya ni Pastor. “Kinsa man diay gusto nimong mamatay, Liz? Ako..?! Ako?! Tamparoson ta hinoon ka, mao ray imo…!†(Kataposan)
- Latest
