Nisulay gyud ko’g hingos sa gigunitan ni Bob nga aluminum foil diin didto ang shabu. Gitudloan ko ni Bob kun unsaon kini paggamit.
Kanindot sa akong pamatyag sa akong lawas dihang nakasuyop na ko sa aso. Kondisyon na ko kaayo. Piskay kaayong ilihok-lihok. Ug husto si Bob. Misamot ang akong kaagresibo sa lawasnong panagtagbo.
Sa kadugayan, magpangita na ko sa shabu. Dili na ko makig-sex ni Bob kun dili ko makahithit. Mag-pot session una ming duha sa dili pa mi magtagay sa lawasnong kalipay. “Kuyogi ko ugma,†ni Bob pa usa ka higayon niana sa among panagtagbo didto sa akong balay sa Ginatilan.
“A-asa man ta?†Nakapangutana ko.
“Duna lang koy tuyo sa siyudad. Duna koy kuhaon nga butang.
Wala ko makasabot kun unsay kahulogan sa giingon ni Bob nga “butang†nga among kuhaon sa siyudad, adto sa A. Lopez. Gipasabot ko ni Bob nga ang giingon niyang “butang†mao ang shabu.
“Akong adtoon ang akong suki ugma,†ni Bob pa. “Nagsabot mi nga bagaton ko siya kay duna siya’y daghan karon ug puyde ra kong makautang niya.â€
“Taga diin man diay nang tawhana?†Nangutana ko.
“Taga Pasil na siya sa siyudad. Apan adto niya dad-on sa A. Lopez ang mga butang aron dili siya masabtan. Ug mas maayo kun adto ta niya kay dagko og discount kun bulto ang atong kuhaon. Puyde pa ko magnegosyo dinhi,†ni Bob pa.
Daw maglisod ko pagtuo sa gipangbutyag ni Bob. -- Sumpayan pa