Gula 2
Tuod nag-videoke g’yud sila si Felipe ug Chona. Didto gidala ni Felipe ang gwapa nga salesgirl sa usa ka videokehan sa Juana Osmeña. Mikuha si Felipe og usa ka gamay’ng videoke room.
Miorder si Felipe og upat ka botelya nga light beer, krispipata ug ubang sumsoman. Wala g’yud tuod maglangan si Chona, gikantahan dayon si Felipe ug gipabilib sa iyang tingog.
Igo lang mipahiyom si Felipe nga naminaw ni Chona. Miinom si Chona sa giorder nila nga beer. Wala pa mokanta si Felipe kay gipanid-an usa niya ang mga lihok ni Chona.
Taud-taud, mora na tingali nga miepekto na ang giinom ni Chona kay samtang mokanta kini moatubang gayud kini kang Felipe. Nakahukom si Felipe nga anam-anamon niya pagpabatyag ug kahinam si Chona.
Samtang gikantahan siya ni Chona, gipatong niya ang tuo niyang kamot sa paa sa maanyag nga salesgirl. Dayon anam-anam niya kini nga gihapohap. Gialsa ni Felipe ang iyang kamot ug gitungab niya ang botelya sa beer.
Nakabatyag si Felipe nga mikurog ang iyang bulsa nga nagpasabot nga adunay mi-text o kaha mitawag kaniya. Si Darwin diay ang mipadala og text message ug nangumosta.
Iyang gitug-anan si Chona nga mi-text si Darwin. “Moari siya? Ayaw na lang paaria uy kay wala ta’y privacy kun dia siya,†matud ni Chona. Nakapahiyom si Felipe nga nakadungog. Karon nasayod na siya nga dili gayud mobalibad kini si Chona kun iyang ayuhon sa pagparayeg.
“Sige, dili na lang nako replayan si Darwin,†mubo nga tubag ni Felipe dayong gakus sa hawak ni Chona. “Ay kalami! Kalami g’yud aning gakus sa lalaki uy!†ni Chona pa nga daw nalipay nga gigakus siya ni Felipe.
Takulahaw lang nga nahurot nila ang unang upat ka botelya. Miorder ug laing upat ka botelya si Felipe. Mitan-aw si Felipe sa song book ug mi-encode sa paborito niya nga kanta – ang Love Without Time.
Pwerteng nakakatawa ni Chona nga nakadungog. “Luoya diay nimo Felip uy, wala ka diay time sa gugma?†ni Chona pa nga mao na ang migakus-gakus ni Felipe.
Ang wala nga kamot ni Felipe maoy gigunit niya sa microphone samtang ang tuo iya kining gibawos paggakus ni Chona. Miparayeg pag-ayo si Chona kang Felipe.
“Maayo ka man diay kaayo nga mokanta Felip?†matud ni Chona human nga mikanta si Felipe sa Love Without Time. “Karon duna ka na g’yuy time kay nagkauban na man ta,†ni Chona pa.
Mora’g nanginit ang kalawasan ni Felipe sa ilang sitwasyon. Gihagkan niya si Chona, mibawos ‘sab si Chona pag-kiss ni Felipe. “Sus, kaayo’ng pagngon sa suga uy,†matud ni Felipe nga nagpamaak sa iyang waet. – Sumpayan