Babaye gipanglili

Gula 2

Human og hukas ni Karlyn sa iyang underwear mituk-ong na siya ug miatubang sa salamin. Adto sa salamin motan-aw ang female jailguard kun wala ba’y gitagoan nga shabu sa iyang kinatawo.

Daw pinugngan ang gininhawa ni jailguard Noel dihang gipunting na sa iyang panan-aw ang salamin nga gipahimutang sa sawog. Gihakup si Noel og talagsaong pagbati samtang nagtan-aw sa salamin.

Nagpanilap si Noel nga mitutok sa panagway ni Karlyn. “Kun dili pa karon birthday ni Papa dili gayud ko moanhi sa jail tungod sa inyong patakaran nga tan-awon g’yud ninyo ang private part sa babaye,” nadungog ni Noel sa Karlyn.

Una nga migawas si Noel sa searching room sa mga lalaki ug mipaingon siya sa entrance sa city jail. “Unya part, klaro ba? Wala ba’y nakasalipod sa imong pagli-li?” matud sa kaubang jail guard ni Noel.

Mihimo’g sinyas si Noel nga dili magsaba kay basin og makasabot ang ubang mga bisita nga babaye nga sila panglili-on nila inigsulod na sa female searching room.

Hasta ang mga female searcher wala masayod nga gibutangan diay og mga lungag ang bung-bong nga nag-uwang sa searching room sa babaye ug lalaki.

Taud-taud migawas na si Karlyn gikan sa female searching room. Gisugat kini ni Noel nga mora lang og walay nahitabo. “Pwede ba ubanan ko ikaw sa selda sa imong Papa aron mananghid na lang ko niya nga manguyab ko nimo.”

Mipahiyom si Karlyn. Gigiyahan ni Noel si Karlyn. Sa brigada sa second floor ang selda sa amahan sa dalaga. “Si Vicente kadtong taga Dulho,” matud ni Noel ngadto sa mga binilanggo.

Dunay lalaki nga migawas gikan sa kubol-kubol kon gamay nga kwarto nga gitabilan lang og kurtina. “Happy birthday pa,” migakus dayon si Karlyn sa namingawan niya’ng amahan.

Naghinilakay sila’ng duha. Nagbarug lang si Noel nga nagtan-aw sa amahan ug anak.”Happy birthday Vic, imo diay’ng birthday karon? Naghilom-hilom ka lang nga may gwapa ka diay’ng anak-dalaga,” ni Noel pa.

“Sige Karlyn, biyaan ko usa ka kay adto ko mag-standby sa gate. Pangitaa lang unya ko Lyn kun mogawas ka na,” giingnan ni Noel ang dalaga nga walay kasayuran nga nasud-ong na sa jailguard ang iyang pribadong parte sa lawas.

Wala na mangli-li si Noel sa ubang mga babaye nga mosulod kay nabalaka siya kun malipat unya kun mopauli na si Karlyn. Migawas si Noel sa parking area sa mga motor sa mga jailguards ug iyang giandam.

Tinguha niya nga ihatud si Karlyn inigpauli na nila aron nga masuod niya pag-ayo ang dalaga. Dugay’ng migawas si Karlyn, giapas siya ni Noel didto sa selda sa iyang amahan. - Sumpayan