Si Raffy sab, ingon sa natingob pagtuyok ang iyang kalibotan ngari kanako. “Magpakasal na lang ta, Maria,†nagkanayon si Raffy usa ka higayon niana human sa makutas namong kombate sa kama.
“Dili ko, uy,†laktod kong balibad.
“Nganong magdumili ka man?â€
“Di ko gusto’g problema. Dili ko gustong masakitan ang babaye nga imong kapuyo karon. Siya ang nakauna kanimo, busa, ipadayon ang inyong panag-uban.†“Dili man mi kasado, Maria, busa dili siya makagukod nako.
“Bisan na. Dili mahimo. Imo nang giguba ang iyang pagka-babaye dihang nag live-in mo. Gawas pa, di pa ko andam alang sa usa ka mas hugot nga commitment. Kontento na ko sa atong kahimtang. Mas maayo ang ingon niini kay duna pa tay kagawasan.â€
Wala na mamugos si Raffy. Mora’g nakasabot siya nga dili gyud ko gustong magpahigot pag-usab sa kaminyoon. Nasabtan niya nga mora og na-trauma na ko sa una nakong kaminyoon.
Milabay ang tulo ka semana human niadto. Dugay-dugay na ming wala magkita ni Raffy. Kun mo-text ko sa iyang selpon, dili siya mo-reply. Kun manawag ko (sa iyang selpon gihapon), dili makontak. Pirmeng out of coverage area. Niini, mibati ko’g kahibulong. Wala na usab nako siya makit-i didto sa grahean sa service sa pari.
Hangtod nga usa ka adlaw niana, nabalitaan ko na lang nga si Raffy atua na sa Surigao. –
Sumpayan pa