Grasya
Mao ni ang balay sa ugangan ni Jimmy?†pangutana ni Andy sa hamtong lalaki nga niabli sa pultahan pagsampit ni Andy og “Ayo!’. “O, mao ni. Dayon†sa hamtong lalaki. Gihubo dayon ni Andy iyang mga sapatos. Ug nisulod sa sala sa bunggalo type nga balay, nga nagmedyas lang.
“Ikaw, sir, ang ugangan ni Jimmy? Si Engr. Areno?’ nI Andy aron makaseguro siya. Kay yano kaayo’g hitsura ang niatubang niya. Nagkamisin lang ug nag-short pants.
“O, ako. Si Jimmy imong tuyo? O ako?†sa enhenyiro.
“Actually, naghatud ko’g libro nga gi-order ni Jimmy. Gikan sa Adventist Publishing House. Nianhi lang gyud ko bisa’g wa si Jimmy. Kay duna sab koy tuyo nimo,†ni Andy.
Nilingkod sa sopa dikit sa bongbong. Nasayod siyang liberal mahitungod sa relihiyon ang enhinyero. Kay pagkaminyo sa iyang anak nga si Sonia ngadtong Jimmy, nibalhin dayon si Sonia pagka-Adventista (o Sabadista). Dunay pagtugot si Engr. Gusto ni Andy nga konberteron ang enhinyero aron mahimong adventista.
“Pag-snacks una†ni Engr. Areno. Nipasiklap sa wall clock ibabaw sa pultahan. Alas nuybe ron sa buntag. Domingo. Ug sila si Sonia ug Jimmy, dunay klase kay nagkuha’g masteral.
Kasamtangan silang magtutudlo sa Cardava National High School. Nahimong yaya si Almira, kapikas sa enhenyiro ug lola sa mga anak nilang Jimmy. Gikuyogan ni Almira ang mga bata nga nanan-aw og mga orchids sa hardin sa apohan.
Sinsero mo-abi-abi og bisita ang enhenyiro. Giubanan niya sa lamesa si Andy samtang nag-snacks og sandwich.
“Nakadungog ko nga Bible reader ka, Engr. Di diay ka mogamit og Concordance? O guide?†ni Andy. Nisugod siya’g diskarte paghumag snacks.
“Wa lang. Kay kana gong guide o concordance, sinulat ra man nag’ Theologian. Duna man say gidapigan nga simbahan†ni Eng. Areno.
“Wa diay kay gidapigan nga simbahan?†ni Andy.
“Katoliko man ko. Di lang die-hard. Ang ako rang gidapigan ang True Religion. Girespeto ko lang ang kagawasan sa tawo sa pagpili o relihiyon†sa enhenyiro.
“Hain man ang simbahan anang True Religion?†ni Andy.
“Wa pa natukod. Kun gusto ka, tukoron nato†sa enhenyiro. Nagpahiyom. Nakapanglab-ok og laway si Andy.
“Nganong wa pa man natukod?†ni Andy.
“Kay nag-ingon si Jesucristo, I am the way, the truth and the life. Unya ang mga pulong gisangyaw sa mga simbahan, dili man pulong ni Jesus. Mga pulong man nilang Pablo, Pedro, Juan ug uban pang apostoles. Si Jesus lang ang kamatuoran. Dapat pulong lang ni Jesus ang isangyaw†ni Engr. Areno.
Nakayangoyango si Andy. Nahilom. Ug gilain na lang niya ang estorya. Kay duna siya’y herbal food supplement gitanyag sa enhenyiro. Nibalibad ang enhenyiro kay duna na siya’y mga gimintin nga mga tambal ug food supplement nga lain. Apan kun nagdugay pag pakighinabi si Andy, delikadong siya ang makonberter sa enhenyiro nga Bible Reader.
“Salamat, Engr. Giisip nakong dakong grasya ang pagpakighinabi nimo. Kay nadugangan akong nakat-onan mahitungod sa Bibliya ug sa Diyos†ni Andy sa dayon niyang panamilit.
Gibilin niya ang libro nga gi-order ni Jimmy. Sila ray nagsabot mahitungod adto. (Katapusan)
- Latest
