Gula 165
Maantigo si Raffy nga mokontrol sa iyang gibati ug sa pag-agad-agad sa gana sa babaye. Maong wala gyud ko mabitin sa among panagsalo sa lawasnong kalipay nga among gitagay.
Nagkadungan mi pagsangko sa kinapungkayan sa himaya. Mas tugob sa sensasyon ang ikatulo ug ikaupat nga hugna sa among lawasnong panagtagbo.
Nanggawas na mi sa motel human maka-score og kaupat. Mora’g nanghapdos ang akong lapsanan. Didto mi nagpahatod sa taxi sa Emall. Nanulod una mi ug namalit og makaon sa grocery. Pagkahuman, nangadto dayon mi sa south bus terminal.
Ang nahitabo namo ni Raffy nasubli sa makadaghan ug sa nagkadaiyang dapit. Tungod sa kamoderno sa panahon, ang selpon maoy gigamit namong kahimanan sa komunikasyon aron kami magkasabot kun asang dapit kami magtagbo.
Usahay, kanang wala sila si Papa ug Mama sa balay, mo-text ko ni Raffy aron siya masayod nga nag-inusara ra ko sa balay. Modali pag-adto si Raffy sa balay ug sulod sa akong lawak magtagbaw mi pagtagay sa tam-is nga dugos sa lawasnong kalipay.
May mga higayon nga adto mi magtagbo sa usa ka beach resort sa among lugar. Usahay adto mi magbagat sa usa ka resort sa San Fernando. Ug sa matag higayon nga mag-uban mi sulod sa usa ka pribadong lugar, magtagbaw gyud mi sa among panagsalo sa lawasnong kalipay. -- Sumpayan pa